Follow @khasokhasmag

न्युयोर्क र कनेक्टिकटमा ग्रिनकार्डका लागि नक्कली विवाहको धन्दा चलाउने ५ जना फन्दामा


प्रकाशित मिति : मंसिर २१, २०७५ शुक्रबार

अमेरिकी सरकारले ५ जना व्यक्तिलाई ग्रिनकार्डका लागि नक्कली विवाह गराउने धन्दामा संलग्न पाँचजनालाई अमेरिकी अध्यागमन सुविधाका लागि नक्कली विवाह गराएको अभियोगमा मुद्दा चलाएको छ । युएस एटोर्नी फर कनेक्टिकट, बोष्टनको होमल्याण्ड सेक्युरिटी इन्भेस्टिगेशनका स्पेश एजेन्ट इन्चार्ज, युएससीआईएसका निरक्षण अध्यागमन अधिकारी र फ्रड डिटेक्सन तथा राष्ट्रिय सुरक्षा कार्यालयले ५ जनाबिरुद्ध संघीय अपराधको अभियोगमा मुद्दा चलाइएको घोषणा गरेका हुन् ।

बिज्रपोर्टका ३५ बर्षका कार्ल जारेट, ३४ बर्षका केनोल नोयल, ३९ बर्षका रिकी अवेन, न्युयोर्कका ५९ बर्षीय मार्भेन बिलियम्स र न्युयोर्कका ४४ बर्षीय ड्वीट हेनरीलाई कैयन नक्कली विवाह गराएको अभियोग लगाइएको छ । उनीहरुमध्ये तीनजनालाई गिरफ्तारपछि धरौटीमा छाडिएको छ भने दुईजनालाई हिराशतमा राखिएको छ । उनीहरुको अभियोग प्रमाणित भएमा १० देखि ३० बर्षसम्मको जेलसजाय हुनसक्ने जनाइएको छ ।

अमेरिकामा ग्रिनकार्डका लागि नक्कली विवाहको विगबिगी बढ्दै गएपछि अमेरिकी सरकारले विवाहमार्फत पाइने ग्रिनकार्डमा समेत कडाई गरिरहेको छ । विवाहमार्फत ग्रिनकार्डका लागि आवेदन दिंदा विवाह सक्कली भएको प्रमाणित गर्ने अतिरिक्त कागजातहरुसमेत अमेरिकी सरकारले माग्दै आएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com