Follow @khasokhasmag

ओस्कर विजेता चर्चित हलिउड अभिनेता दौरासुरुवालमा काठमाडौंमा


प्रकाशित मिति : मंसिर १८, २०७५ मंगलबार

चर्चित हलिउड अभिनेता मोर्गन फ्रिम्यान काठमाडौंमा दौरासुरुवालमा घुमेको तस्वीर सार्वजनिक भएको छ । केहीदिनदेखि नेपालमा रहेका उनी आफ्नो कार्यक्रम ‘द स्टोरी अफ गड’को छायांकनका लागि नेपालमा आएको जनाइएको छ ।

अमेरिकी दूतावासले दौरासुरुवाल लगाएको तस्वीर सार्वजनिक गर्दै लेखेको छ – ‘हाम्रा सांस्कृतिक सम्पदा संरक्षण सम्बन्धी परियोजनाहरूको क्रममा हामीलाई सधैंं सोधिनेमध्ये एक प्रश्न होस् सम्पदा संरक्षण किन महत्वपूर्ण छरु धेरैमध्ये एक उत्तर यो हो कि भविष्यका आउने पुस्ताहरू सँगै हलिवुडका महान कलाकार मोर्गन फ्रीम्यान जस्ता कयौं पर्यटकहरूका लागि तीनलाई जोगाउन। वहाँलाई नेपाली दौरा सुरुवाल लगाएर काठमाडौंका सांस्कृतिक स्थलहरूमा घुम्दा गजब सुहाएको छ, छैन त ?’

त्यो बाहेक उनका अन्य तस्वीरहरु पनि सार्वजनिक भएका छन् । उनको कार्यक्रमको तेश्रो सिजन सन् २०१९ मा नेशनल जोग्राफिक टेलिभिजनबाट प्रशारण हुनेछ ।

८१ बर्षीय फ्रिम्यान सन् १९६४ देखि हालसम्म हलिउडमा सकृय छन् । उनी अहिलेसम्म हलिउडका ६ दर्जन बढी चलचित्रमा मुख्य भूमिकामा देखिएका छन् । ‘लण्डन ह्याज फलन’, ‘टेड टु’ जस्ता चलचित्रमा देखिएका उनको नयाँ चलचित्र एन्जेल ह्याज फलन सन् २०१९ मा रिलिज हुँदैछ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com