अमेरिकामा मृत्यु भएकी ऋचा प्रधानको डिसेम्बर १ मा दाह संस्कार गरिदैं
प्रकाशित मिति : मंसिर १४, २०७५ शुक्रबार
वाशिंगटन डिसी मेट्रो एरियामा निधन भएकी ३२ बर्षिया नेपाली चेली ऋचा प्रधानको डिसेम्बर १ अर्थात शनिबार दाह संस्कार गरिने भएको छ।
भर्जिनिया हर्नडनको ईल्ड़ेन स्ट्रिट ब्लक नम्बर ७१२ मा अवस्थित आदम्स ग्रिन फ़्युनरल होममा डिसेम्बर १ शनिबार बिहान साढे एघार बजे स्व. ऋचा प्रधानको दाह संस्कार गरिने जानकारी नेपा पासा पुच एनपिपिएलाई उद्धृत गर्दै नेपाली मन्दिरको संचालक समिती नेपाल एजुकेसन एण्ड कल्चरल सेन्टरका अध्यक्ष खिलेन्द्र नेउपानेले आज जारी गरेको प्रेश बिज्ञप्तीमा जनाएका छन्।
१९८६ मार्च ३ मा काठमाडौँमा जन्मिएकी स्व. ऋचाले युनिभर्सिटी अफ् भर्जिनियाबाट ब्याचलर्स अफ् आर्ट्स डिग्री उतिर्ण गरेकी थिईन्।
त्यसपछी बेलायतको युनिभर्सिटी अफ् म्यानचेस्टरबाट कानुन र बिकाश बिषयमा मास्टर्स अफ् ल र साथै कानुनमै मास्टर्स अफ् फिलोसोफी गरेर बेलायतबाट दुई दुई वटा मास्टर्स डिग्री गरेकी थिईन्।
लामो समय बिरामी भई नोभेम्बर २७ तारिख मंगलबार निधन भएकी स्व. रिचा प्रधानको बुवा गोविन्द प्रधान र मुमा कल्पना प्रधान हुन्।