अमेरिकामा कार दुर्घटनामा नेपाली टिनएजरको मृत्यु, तीन घाइते
प्रकाशित मिति : पुस २, २०७३ शनिबार
अमेरिकाको फ्लोरिडामा तीनवटा गाडी एकैठाउँमा दुर्घटना हुँदा एकजना नेपाली टिनएजरको मृत्यु भएको छ भने तीनजना नेपालीहरु घाइते भएका छन् ।
दुर्घटनामा अलाबामा निवासी नेपाली टिनएजर अस्लेशा पण्डितको मृत्यु भएको छ भने २० बर्षीय संगम सुबेदी, २० बर्षीय छात्रा श्रद्धा चन्द ठकुरी र अभिज्ञा घिमिरे घाइते भएको अलाबामाबाट एक नेपाली विद्यार्थीले दिएकी छिन् ।
फ्लोरिडाको स्टेटरोड २० र ७९ को इन्टरसेक्सनमा दुर्घटना भएको हो । घाइतेहरुको बे मेडिकल सेन्टर फ्लोरिडामा उपचार भइरहेको छ ।
गाडीमा सबार सबैले सिटबेल्ट बाँधेका थिए भने कसैले पनि मदिरा सेवन गरेका थिएनन् ।
सुबेदीले सडकमा रातो बत्ती बलेको समयमा गाडी रोक्न नसक्दा दुर्घटना भएको प्रहरीले जनाएको छ । दुर्घटना दिउसो ४ बजे भएको हो ।
दुर्घटनाको भिडियो हेर्न यहाँ क्लिक गर्न सक्नुहुनेछ ।
यसअघि अमेरिकाको वाशिंगटन सियाटलमा भएको कार दुर्घटनामा परि २१ बर्षीय नेपाली मुलकी होनहार छात्रा ममता कंडेलको मृत्यु भएको खबर आएको थियो ।
समाचारमा यसअघि प्रकाशित केही तथ्यहरु सच्याइएको छ ।