एकमहिनामा साढे ३ सय बढी नेपालीलाई नेपालबाटै ग्रिनकार्ड

खसोखास अमेरिका ब्यूरो

---

प्रकाशित मिति : मंसिर ११, २०७५ मंगलबार

अमेरिकी सरकारको विदेश मन्त्रालयले आर्थिक बर्ष २०१९ को पहिलो महिना अर्थात् गतमहिना (अक्टोबर) मा अमेरिकाको आप्रवासी भिसा पाउने नेपालीहरुको विवरण सार्वजनिक गरेको छ । अक्टोबरमा अमेरिकाको ग्रिनकार्ड अर्थात् आप्रवासी भिसा पाउने नेपालीहरु ३६७ जना रहेका छन् । जसमध्ये ३५८ जनालाई काठमाडौंको रहेको अमेरिकी दूतावासमार्फत अमेरिकाको आप्रवासी भिसा जारी गरिएको छ ।

अमेरिका नपुगिकनै नेपालबाटै वा अन्य देशबाट ग्रिनकार्ड पाउने नेपालीहरु डिभी लोटरी, परिवारमा आधारित र रोजगारमा आधारित ग्रिनकार्डका आवेदकहरु हुन् । अक्टोबरमा सबैभन्दा धेरै नेपालीहरुले डिभी लोटरीमार्फत अमेरिकाको आप्रवासी भिसा प्राप्त गरेका छन् ।

अक्टोबरमा डिभी लोटरीका प्रारम्भिक विजेताहरु ८७ जना, उनीहरुका दम्पत्तिहरु ४३ जना र छोराछोरीहरु २१ जनाले अमेरिकाको आप्रवासी भिसा पाएका छन् । यसरी अक्टोबरमा १५१ जना नेपालीहरुले डिभी लोटरीमार्फत अमेरिकाको आप्रवासी भिसा पाएका छन् । जसमध्ये काठमाडौंमा रहेको अमेरिकी दूतावासबाट डिभी लोटरीमार्फत अमेरिकाको भिसा पाउनेहरु १४६ जना रहेका छन् ।

अक्टोबरमा काठमाडौंमा रहेको दूतावासबाट आप्रवासी भिसा पाउनेहरु :

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

त्यस्तै अमेरिकी नागरिकता प्राप्त गरिसकेकाहरुका ५६ जना नेपाली दम्पत्ति र २ जना नेपाली बच्चाबच्चीहरुले पनि अक्टोबरमा अमेरिकाको आप्रवासी भिसा पाएका छन् । त्यस्तै अति दक्ष एक्स्ट्राअर्डिनरी ग्रिनकार्ड प्राप्त नेपालीका एकजना दम्पत्ति र २ जना छोराछोरीहरुले पनि अक्टोबरमा अमेरिकको आप्रवासी भिसा पाएका छन् । त्यस्तै पेशागत अतिरिक्त डिग्री वा विज्ञान, कला र ब्यापारमा अति दक्ष भएका कारण ग्रिनकार्ड प्राप्त व्यक्तिका एकजना दम्पत्ति, ५ जना दक्ष कामदार, एकजना उनीहरुका दम्पत्ति र एकजना बच्चाले पनि अक्टोबरमा अमेरिकाको आप्रवासी भिसा पाएका छन् ।

अक्टोबरमा आप्रवासी भिसा पाउने नेपालीहरु :

अमेरिकी नागरिकताप्राप्त नेपालीका अविवाहित छोराछोरी १ जना, अमेरिकी ग्रिनकार्ड प्राप्त नेपालीका दम्पत्ति २० जना, छोराछोरी ११ जना र अविवाहित छोराछोरी ४ जना, अमेरिकी नागरिकताप्राप्त नेपालीका विवाहित छोराछोरीहरु १ जना, दाजुभाई दिदीबहिनीहरु ५ जना, उनीहरुका दम्पत्तिहरु ३ जना र छोराछोरीहरु ५ जनाले पनि अक्टोबरमा अमेरिकाको आप्रवासी भिसा पाएका छन् ।

देशीय सिमाबन्दीको नियम नलागेका ग्रिनकार्डप्राप्त नेपालीका १७ जना दम्पत्तिहरु र ८ जना छोराछोरीहरुले पनि अक्टोबरमा अमेरिकाको आप्रवासी भिसा प्राप्त गरेका छन् । २१ बर्ष नाघेका अमेरिकी नागरिकताप्राप्त नेपालीका ५२ जना बाबुआमा, ७ जना दम्पत्ति र ८ जना छोराछोरीहरुले पनि अक्टोबरमा अमेरिकी भिसा पाएका छन् ।