दुवै मृगौला फेल भई अबुधाबीमा छटपटाएका २५ बर्षका सुमनलाई सहयोगको अपिल
प्रकाशित मिति : मंसिर १०, २०७५ सोमबार
– रामकुमार परियार
दुवै मृगौला फेल भई अबुधाबीको एक सरकारी अस्पताल भर्ना भएका चितवन टाँडीका २५ वर्षीय सुमन परियारको उपचार खर्च जुटाउन सहयोगको अपिल गरिएको छ ।
अढाई वर्ष देखि अबुधाबीको एक कफि सपमा कार्यरत परियारको दुवै मृगौला फेल भएपछि अबुधाबी स्थित खलिफा अस्पतालमा नियमित डायलोसिस भईरहेको छ । चिकित्सकले चाँडै मृगौला प्रत्यारोपण गर्नुपर्ने बताएपछि त्यसका लागि आवश्यक खर्च जुटाउन सहयोगको आग्रह गरिएको छ ।
घरबिदा मनाएर युएई फर्किएको केही महिनामै उनमा खोकी लाग्ने , उल्टि आउने , टाउको दुख्ने जस्ता समस्या देखा परेको थियो ।
यहि समस्याले सुमनलाई तिहारको मुखमा च्याप्यो । ग्रस्त भएपछि साथीहरूले उनलाई कात्तिक २२ गते अबुधाबी स्थित एनएमसि अस्पताल लगेर स्वास्थ परिक्षण गराएका थिए । सोही रात रक्त परिक्षणको रिपोर्ट संगै अस्पतालबाट आकास्मिक फोन आयो , त्यसपछि तत्कालै साथीहरुले उनलाई अस्पताल लिएर गए । अस्पतालले सोहि रात ब्रुजिल अस्पतालमा रेफर र्गयो । त्यहाँ उपचार गर्न खर्चले नधान्ने भएकोले केही दिनपछि साथिहरुले खलिफा अस्पतालमा भर्ना गरे ।
अहिले उनी खालिफा अस्पतालको बेड नं २२ म जीवन र मृत्युसंग लडिरहेका छन् ।
“अस्पतालले छिटै मृगौलो प्रत्यारोपण गर्नुपर्छ भनेको छ , धेरै खर्च लाग्छ अरे । कहाँबाट ल्याउनु त्यत्रो पैसा ?“ परियारले आँसु खसाल्दै भने ।
भएको एउटै सन्तान विदेशमा बिरामी भएर थला परेको खबर थाहा पाएदेखी सुमनका बाबुआमाको आँखामा आँसु अडिएको छैन । छोराको जिवन बँचाउन आफ्नो एउटा मृगौला दिन तयार आमा चम्पा परियारले मृगौला प्रत्यारोपणमा लाग्ने खर्च जुटाउन देश विदेशमा रहने सम्पुर्ण नेपालीलाई सहयोगको अपिल गरेकी छिन ।
सुमन अस्पताल भर्ना भएपछि संगै काम गर्ने झापाकी भुमिका श्रेष्ठ , संजु गुरुङ लगायतले नियमित रेखदेख गरिरहेका छन् । सुमन कार्यरत मुसाफाको दलमा मल स्थित टिम हर्टसन कफी सपका साईट व्यवस्थापक संजु गुरुङले कम्पनीसंग कुरा गरेर उनको उपचारमा कम्पनीको तर्फबाट सक्दो सहयोग जुटाउने कोसिस गरिरहेको बताए ।
सुमनलाई सहयोग गर्न चाहनेले युएईमा पत्रकार रामकुमार परियार ०५२८६३८१४४ , कृष्ण सुनार ०५५२५००७८० र चितवनमा सुमनका बाबु शितलबाबु परियारलाई ९८४५४०६३५४ र आमा चम्पा परियारलाई ९८४५५२३३१९ मा सम्पर्क गर्न सक्नुहुन्छ । साथै आमा चम्पा परियारको नाममा रहेको ग्लोबल आईएमई बैंकको खाता नं ४२०७०१०००२८३५ मा सिधै रकम जम्मा गर्न सकिन्छ ।