डिभी लोटरी भर्ने म्याद सकियो, १२ लाख भन्दा धेरै नेपाली सहभागी

आर्थिक बर्ष २०२० का लागि डिभी लोटरी भर्ने म्याद समाप्त भएको छ । अमेरिकाको पूर्वीय समय अनुशार अक्टोबर ३ तारिख बुधबार दिउसो १२ बजेदेखि नोभेम्बर ६ बुधबार दिउसो १२ बजेसम्म डिभी लोटरीका लागि फारम खुलेको थियो ।

२०२० का लागि खुलेको डिभी लोटरीको नतिजा आगामी मे ७ तारिखबाट आउन थाल्नेछ । तर सन् २०२० को सेप्टेम्बर ३० सम्म आफ्नो कन्फर्मेशन नम्बर सुरक्षित राख्न आवेदकलाई अमेरिकी सरकारले ुसुझाव दिएको छ । डिभी लोटरी २०२० को नतिजा आगामी मे ७ पछि यो लिंकमा गएर हेर्न सकिन्छ ।

यो बर्ष झण्डै १२ लाख नेपालीहरुले डिभी लोटरी भरेको अनुमान गरिएको छ । आर्थिक बर्ष २०१८ मा ११ लाख ८७ हजार ३ सय ५० नेपाली डिभी कार्यक्रममा सहभागी भएका थिए । जसमा मुल आवेदक नेपालीहरुमात्र ७ लाख २८ हजार ७ सय १८ थिए भने बाँकी उनीहरुका दम्पत्ति र २१ बर्ष नपुगेका छोराछोरीहरु थिए ।

त्यस्तै आर्थिक बर्ष २०१७ मा ११ लाख ३६ हजार ६ सय २२ नेपाली डिभी कार्यक्रममा सहभागी भएका थिए । जसमध्ये मुख्य आवेदकहरु ६ लाख ९२ हजार १ सय ३७ जना रहेका थिए । त्यस्तै आर्थिक बर्ष २०१६ मा १० लाख ९० हजार ८ सय ८० जना नेपालीहरु डिभी कार्यक्रममा सहभागी भएका थिए, जसमध्ये मुल आवेदकहरु ६ लाख ६४ हजार ८ सय ५४ जना रहेका थिए ।

सन् २००७ देखि सन् २०१५ सम्म डिभी कार्यक्रममा सहभागी नेपालीहरुको संख्या तलको चार्टमा हेर्नुहोला ।

 

फोटो : अमेरिकी दूतावास काठमाडौंको फेसबुकबाट

मङ्लबार, कार्तिक २०, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री