Follow @khasokhasmag

विश्वकप सुरक्षाको लागि कतारले माग्यो नेपाल प्रहरीको साथ


प्रकाशित मिति : कार्तिक १७, २०७५ शनिबार

चार वर्षपछि हुने विश्वकप फुटबलको सुरक्षाका लागि कतार प्रहरीले नेपाल प्रहरीको साथ मागेको छ।

कतार भ्रमणका क्रममा कतार सरकारका पब्लिक सेक्युरिटी निर्देशक साद विन जससिम खुलाइफिले नेपाल प्रहरीका प्रहरी महानिरीक्षक सर्वेन्द्र खनालसँग विश्वकप फुटवलमा सुरक्षाका लागि नेपाल प्रहरीको साथ माग गरेका हुन्।

‘विश्वकप सुरक्षामा सघाउन कतारले नेपाल प्रहरीमाथि उच्च विश्वास राख्दै प्राथमिकतामा राखेको रहेछ,’ स्वदेश फर्किएपछि सेतोपाटीसँग कुरा गर्दै खनालले भने ।

कतार प्रहरीसँग सुरक्षा समन्वय सम्बन्धी सम्झौतापत्रमा पनि हस्ताक्षर भएको उनले बताए। ‘सम्झौता पत्रमा दुई देशका सुरक्षा अधिकारीबीच सुरक्षा आदान प्रदान गर्ने सहमति भएको छ,’ उनले भने।

विश्वकप सुरक्षाका लागि प्रहरी त्यहाँ पठाउनुको साथै नेपालका सुरक्षाविज्ञहरुलाई पनि कतार सरकारले विश्वकपका लागि बोलाउने तयारी छ रहेको खनालले बताए।

यसका साथै अपराध रोकथाम, मानव तस्करी, लागुऔषध नियन्त्रण, साइबर सेक्युरिटीमा पनि मिलेर काम गर्ने दुई देशका सुरक्षा प्रमुखबीच सहमति भएको खनालले बताए। नेपाल प्रहरी र कतार प्रहरीबीच तालिमहरुसमेत आदान–प्रदान गर्ने समझदारी भएको छ।

यसअघि भारतमा भएको आइपिएलमा सुरक्षाका लागि भारतले नेपालबाट केही सुरक्षाविज्ञ लगेको थियो। नेपाली सेनामा रहेर जागिर छाडेका ललितपुरकै सन्जु कार्कीसहित सात जनालाई भारतले बोलाएको थियो। उनीहरुलाई आइपिल हुने मैदानको सुरक्षा गन कमाण्डर नै तोकिएको थियो।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com