नेपाल आइडल : आजको एपिसोडमा हुँदैछ यी ९ प्रतिस्पर्धीबीच प्रतिस्पर्धा
प्रकाशित मिति : कार्तिक १५, २०७५ बिहीबार
नेपालकै पहिलो अन्तर्राष्ट्रिय फ्रेन्चाइज्ड टिभी रियालिटी शो ‘नेपाल आइडल’ अन्तर्गत आज पनि इलिमिनेसन राउण्ड जारी रहनेछ ।
आजको एपिसोडमा संगीतकार शम्भुजित बास्कोटा सेलिब्रेटी गेष्टको रुपमा उपस्थित हुनेछन् ।
विभिन्न चरणबाट छानिएर आएका ९ प्रतियोगीले आजको एपिसोडमा आफ्नो प्रस्तुति दिनेछन् ।
अमित बराल, अष्मिता अधिकारी, क्रिषल कडेल, बिक्रम बराल, पवन गिरी, निलिमा थापा मगर, रवी अवद, सुविन सिंह र सुमित पाठक रहेका छन् ।
यी मध्ये कम मत ल्याउने प्रतियोगीमध्ये एक जना शुक्रबारको एपिसोडबाट बाहिरिनेछन् । आफूलाई मनपर्ने प्रतियोगिलाई रेस्पेक्ट एण्ड राइज नामको एप्स मार्फत भोट हाल्न सकिनेछ ।