‘अवतरण’ अमेजनमा

चर्चित संचारकर्मी तथा एबीसी टेलिभिजनका प्रमुख शुभशंकर कँडेलबाट लिखित पुस्तक ‘अवतरण’ अमेजनमा उपलब्ध भएको छ । अमेरिकामा रहने पाठकहरुले अब पुस्तक अवतरण अमेजनमार्फत अनलाइनमा किन्न सक्ने भएका छन् ।

प्रधानमन्त्री केपी शर्मा ओली र नेकपा अध्यक्ष पुष्पकमल दाहालले लोकार्पण गरेको पुस्तक अवतरणमा नेपालमा सशस्त्र संघर्ष, रुपान्तरणमा विवाद र एमाले माओवादी एकताको नालीबेली समेटिएको छ । पुस्तकमा नेपालमा कम्प्युनिष्ट पार्टीको स्थापनादेखि अहिलेको एमाले माओवादी एकतासम्मलाई अत्यन्तै रोचक शैलीमा लेखिएको छ ।

अमेजनमा पुस्तक किन्न यहाँ क्लिक गर्नुहोला ।

नेपालमा कम्युनिष्ट थाहा पाउने पहिलो व्यक्तिदेखि माकाफुईदेखि अंकमालसम्मका विवरणहरु समेटिएको पुस्तकमा केपी शर्मा ओली, पुष्पकमल दाहाल र डाक्टर बाबुराम भट्टराई लगायतका नेताहरुबारे यसअगाडि कहिल्यै सार्वजनिक नभएका तथ्य र विवरणहरु समेटिएका छन् । एबीसी न्युज टेलिभिजनका संस्थापक तथा प्रधानसम्पादक शुभशंकर कँडेलको यो १४ औं प्रकाशित पुस्तक हो ।

हाल कँडेल नेपाल मिडिया सोसाइटीको अध्यक्ष तथा मिडिया मनिटर जर्नलको सम्पादक समेत हुनुहुन्छ । उहाँले यसअघि सगरमाथा टेलिभिजन र इमेज च्यानलमा समाचार निर्देशक तथा सम्पादकका रुपमा काम गर्नुभएको थियो । २०५६ सालमा धौलागिरी अञ्चलको पहिलो दैनिक पत्रिका न्यु धौलागिरीको सम्पादक तथा प्रकाशकका रुपमा कृयाशिल कँडेलसँग आधा दर्जन बढी संचारमाध्यम संचालन र कार्यरत रहेको अनुभव छ ।

आमसंचार र राजनीतिशास्त्रमा स्नातकोत्तर कँडेलका यस अगाडि प्रकाशित पुस्तकहरु राजनीति र आमसंचार सम्बन्धित छन् । पत्रकार कँडेल २०६१ सालदेखि पुस्तक लेखनमा सकृय रहँदै आउनुभएको छ । कँडेलको नयाँ पुस्तक अवतरण नेपाली कम्युनिष्ट आन्दोलनको एक्सक्लुसिभ महाभारतका रुपमा स्थापित हुने विश्वास गरिएको छ । जसमा कम्युनिष्ट आन्दोलनको इतिहासमात्र होइन, दाउपेचहरु पनि बुझ्न पाइनेछ ।

शनिबार, अशोज २७, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री