अब खसीबोकामा कर नलाग्ने
प्रकाशित मिति : आश्विन १९, २०७५ शुक्रबार
संघिय मामिला तथा सामान्य प्रशासन मन्त्रालयले सबै स्थानीय तहलाई खसी,बोका र च्यांग्रा व्यवसायीसँग कर नउठाउन निर्देशन दिएको छ । दशैँको मुखमा राजधानी र अन्य मुख्य सहरमा खसी ,बोका च्यांग्रा लैजाने क्रममा स्थानीय तहहरुले कर उठाउन थालेपछि मन्त्रालयले निर्देशन दिएको हो ।
संघीय मामिला मन्त्रालयको सचिवस्तरको निर्णयबाट सबै स्थानीय तहलाई कर संकलन नगर्न परिपत्र गरेको हो । स्थानीय सरकार सञ्चालन ऐन २०७४ को दफा ६१ मा ‘जिव जन्तु र चौपायको व्यापार व्यवसाय गर्नेबाट व्यवसाय कर वा हाट बजारमा खरिद बिक्री भएको अवस्थामा बाहेक अन्य कुनै किसीमको कर शुल्क आदि उठाउन नमिल्ने ’ व्यवस्था रहेकाे छ ।