फिल्म खेलेर चरित्रहीन भएको आरोपमा स्कुलबाट निष्काशित
प्रकाशित मिति : आश्विन १७, २०७५ बुधबार
लहान ८ स्थित मोडेल एजुकेसनल एकेडेमीले कक्षा १० मा अध्यनरत एक छात्रालाई निष्कासन गरेको छ ।
कमेडी फिल्ममा अभिनय गरेपछि सिरहा –१८ माडर घर भएकी छात्रा सञ्जना मण्डल स्कुलबाट निष्कासनमा परेकी हुन् । अभिनय गरेर चरित्रहीन भएको आरोपमा प्रिन्सिपल इन्द्रदेव मण्डलले स्कुलबाटै निकालेको सञ्जनाले बताएकी छन् ।
प्रिन्सिपल मण्डलले अबदेखि स्कुलमा प्रवेश गरे ठीक नहुने चेतावनी दिएको उनले बताइन । उनि अहिले स्कुल गएकी छैनन् । उनकी आमा शीतलले एसईई ६ महिनामात्र बाँकी रहदा स्कुलबाट निकालिएपछि छोरी बिचल्लीमा परेको बताएकी छन् ।