संयुक्त राष्ट् संघको मुख्यालय अगाडी प्रधानमन्त्री बिरुद्ध बिरोध प्रर्दशन
प्रकाशित मिति : आश्विन १२, २०७५ शुक्रबार
नेपाली कांग्रेसको भातृ संगठन तरुण दल अमेरिका लगायत बिभिन्न संघ सस्थाले केपी शर्मा ओली सरकारको बिरोध स्वरुप विहिबार संयुक्त राष्ट्संघको कार्यालय अगाडी बिरोध प्रर्दशन गरेका छन् । ओली सरकार तानाशाही भएको भन्दै तरुण दल लगायतका संस्थाले बिरोध गरेको जनाए ।
संयुक्त राष्ट् संघको महासभामा सहभागि हुनु पूर्व, ति संघ सस्थाले प्रधानमन्त्री ओलीको बिरोध प्रदर्शन गरेका थिए । कालो टिसर्ट लगाएका तरुण दल र नेपाल बिद्यार्थी संघका सहभागि नेता तथा जनसम्पर्क समिति अमेरिका र जनसम्पर्क समिति विश्व सञ्जालका नेताहरुले बलत्कार, हत्या हिसांमा संलग्नलाई कारवाही गर, निर्मला पन्तलाई न्याय दिलाउ, प्रजातान्त्रिक सरकार चाहियो जस्ता नारा लेखेका ब्यानर बोकेका थिए ।
तरुण दल अमेरिकाले सरकारले अधिनायकवादी चरित्र देखाएको, राज्यले जनतामाथी दमन गरेको, भ्रष्टाचार, दिन दहाडै हत्या एवं बलत्कारका घटना बढेको र अनियन्त्रित भएको भन्दै प्रधानमन्त्री ओलीलाई संयुक्त राष्ट् संघ अगाडि कालो झण्डा देखाएको जनाएको छ । यस्तै फिप्ना र अन्र्तगतका सदस्य संगठनहरुले समेत बिरोध गरेको जनाएका छन् । यसैगरी मधेसी समुदायले समेत राष्ट् संघको कार्यलय अगाडी बिरोध प्रदर्शन गरेको जानकारी दिएको छ ।
बिरोध प्रर्दशन बारे जानकारी दिँदै जनसम्पर्क समिति अमेरिकाका संगठन बिभाग प्रमुख बेद खरेलले कालो झण्डा देखाउनु र बिरोध गर्नु प्रजातन्त्रमा सबै स्वतन्त्र हुने भन्दै सरकारले गतल गरेमा बिरोध र राम्रो काम गरेमा समर्थन गनु प्रजातान्त्रिक परिपाटी भएको जानकारी दिए ।
यसरी बिभिन्न संघ सस्थाहरुले प्रधानमन्त्रीको बिरोध गरेपछि प्रधानमन्त्री सम्मानार्थ शुक्रबार न्यूयोर्कमा आयोजना गर्ने भनिएको कार्यक्रम स्थागित भएको जनाइएको छ । संयुक्त राष्ट्संघ, महासभाको ७३ औं अधिवेशनमा सहभागि हुन अमेरिकामा रहेका प्रधानमन्त्रीको सम्मानका लागि गैरआवासिय नेपाली संघ राष्ट्यि समन्व्य परिषद अमेरिकाको संयोजन, प्रवासी नेपाली मञ्च अमेरिका, नेपाल आदिवासी जनजाती महासंघ र नेपाली संघिय समाजले संयुक्त रुपमा कार्यक्रम गर्ने भनिएको थियो ।