फेसबुक लिडरसिप कार्यक्रममा नेपालबाट सूर्य कार्की छनौट, ५० हजार डलर सम्म दिइने

फेसबुक कम्युनिटी लिडरसिप कार्यक्रममा नेपालबाट सूर्य कार्की छनौट भएका छन् । कार्की युनाइटेड वल्र्ड स्कुल्स नेपालका को फाउण्डर तथा कन्ट्री डाइरेक्टर हुन् ।

यो संस्थाको स्थापना शिक्षाको पहुच नभएका नेपाली बालबालिकाहरुलाई गुणस्तरीय र निशुल्क शिक्षा प्रदान गर्नका लागि गरिएको हो । अहिलेसम्म यो संस्थाले विभिन्न ४२ समुदायका २७ सय बालबालिकाहरुलाई सेवा प्रदान गर्नका लागि २५ वटा विद्यालयहरु निर्माण गरिसकेको छ ।

फेसबुक कम्युनिटी लिडरसिप कार्यक्रममा छनौट भएका कार्कीले सामुदायिक पहलका लागि ५० हजार अमेरिकी डलरसम्म प्राप्त गर्ने फेसबुकले जनाएको छ । फेसबुकले विश्वभरबाट आएका झण्डै ६ हजार आवेदनहरुमध्येबाट ११५ जनालाई छनौट गरेको हो । जसमध्ये छानिएका टप फाइभले १० लाख डलरसम्म सामुदायिक सेवाका लागि प्राप्त गर्नेछन् ।

फेसबुकले कम्युनिटी लिडरसिप कार्यक्रमका लागि विश्वका ४६ देशबाट शिक्षा, स्वास्थ्य सम्बन्धित ११ क्षेत्रका ११५ जनालाई छनौट गरेको हो । जसमध्ये ५ जनालाई रेसिडेन्ट, ९६ जनालाई फेलो र १५ जनालाई युथ फेलोको रुपमा छनौट गरिएको हो । कार्की फेलोका रुपमा छनौट भएका हुन् ।

सोमवार, अशोज ८, २०७५ मा प्रकाशित

Leave a Reply

Your email address will not be published. Required fields are marked *

सम्बन्धित सामाग्री