मादलको तालमा गाउँदै ह्युस्टनमा भब्य तीज
प्रकाशित मिति : भाद्र २५, २०७५ सोमबार
– सागर अर्याल
अमेरिकाको टेक्सास ह्युस्टनमा भब्य तीज कार्यक्रम गरिएको छ । गुल्मी समाज ह्युस्टनको आयोजनामा तीज कार्यक्रमको आयोजना गरिएको हो । कार्यक्रममा मौलिक रुपमा मादलको तालमा आफैले गाएर तीजमा नाच्दा गाउँघरकै झल्को मिलेको थियो ।
स्थापनाकालदेखि नै बिभिन्न सृजनात्मक तथा मनोरन्जनात्मक कार्यक्रम गर्दै आएको गुल्मी समाज ह्युस्टनले विगत बर्षहरुमा जस्तै यो बर्ष पनि तीजको कार्यक्रम गरेको हो । कार्यक्रममा ह्युस्टनबासी नेपालीहरुको भब्य उपस्थीति रहेको थियो ।
कार्यक्रम प्रतियोगितात्मक र अप्रतियोगितात्मक गरी दुईभागमा विभाजन गरिएको थियो । इलिमेन्ट्री लेबल र मिडिल हाइ स्कुल लेबल गरी प्रतियोगिता गराइएको थियो । इलिमेन्ट्री लेबलमा युनिसा अर्याल प्रथम, सदिक्षा रिमाल र स्तुति ज्ञवाली दोश्रो र दृष्टी शर्मा तेश्रो भएका थिए ।
मिडिल स्कुल अन्तर्गत कृति सापकोटा प्रथ, सिम्रन खरेल र अस्मिता घिमिरे दोश्रो र अनिशा पोख्रेल तेश्रो भएका थिए । समाजका अध्यक्ष भिष्म मरासिनीबाट पुरस्कार बितरण गरी कार्यक्रम समापन भएको थियो ।