Follow @khasokhasmag

सिंहदरबार अगाडि नाङ्गै विरोधमा उत्रिँदा पक्राउ परेका लिम्बुले फेरि निकाले नाङ्गो जुलुश


प्रकाशित मिति : भाद्र २२, २०७५ शुक्रबार

झापामा अर्धनग्न जुलुश निकालेका भद्रपुर नगरपालिका ३ का बिकेन लिम्बूसहित दुई दर्जन बढी युवा पक्राउ परेका छन् । सिंहदरबार अगाडि नाङ्गै विरोध प्रदर्शनमा उत्रिँदा पक्राउ परेर छुटेका लिम्बुले फेरि भद्रपुरमा नाङ्गै जुलुश निकालेका हुन् । शुक्रबार बिहान भद्रपुरमा अर्धनग्न विरोध प्रदर्शन गरेका उनीहरुलाई प्रहरीले रोकेको थियो । भद्रपुर नगरपालिका कार्यालयले करको बजेटबाट तीज कार्यक्रम गर्न लागेको भन्दै उनीहरुले अर्धनग्न विरोध प्रर्दशन गरेका हुन्। लिम्बू नेतृत्व चेतनशील युवा समूहका युवाहरुले भद्रपुर बसपार्कबाट अर्थनग्न विरोध र्याली निकाल्दै भद्रपुर बजार परिक्रममा गर्दै भद्रपुर नगरपालिकाअगाडि पुगेर विरोध प्रदर्शशन गरेका थिए। उनीहरुलाई भद्रपुर नगरपालिका अगाडि पुग्नुअघि नै बाटोमै प्रहरीले रोकेको थियो ।

प्रहरीले रोकेपछि युवाहरुले भद्रपुर नगरपालिका र प्रहरीविरुद्ध चर्को नारावाजी गरेका थिए। नगरपालिका अगाडि युवाहरुले अर्धनग्न प्रर्दशन गरेपछि प्रहरी कार्यालय झापाका प्रहरी नायव उपरीक्षक जीतेन्द्रकुमार बस्नेतले भद्रपुर नगरपालिकाका प्रमुख जीवनकुमार श्रेष्ठसँगको सहकार्यमा युवाहरुसँग छलफलका लागि सहजिकरण मिलाए ।

त्यसपछि नगरपालिकामा भित्र लुगा लगाएर लिम्बूसहित युवाहरुले नगर प्रमुख श्रेष्ठसमक्ष गुनासाहरु पोखेका थिए। नगर प्रमुख श्रेष्ठले नगरपालिकाले आयोजना गरेको तीज कार्यक्रममा दर मात्रै नभई, त्यस कार्यक्रममा महिलामाथि हुने यौनजन्य हिंसा, बालमैत्री स्थानीय शासन तथा खुल्ला दिशामुक्त अभियानका नाटक, प्रत्येक वडाका ज्येष्ठ आमालाई अभिनन्दन लगायतका कार्यक्रम गर्न लागेको बताए।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com