न्युयोर्कका गभर्नरबाट देशनिकाला सामना गरिरहेका ७ आप्रवासीलाई क्षमादान
प्रकाशित मिति : श्रावण ७, २०७५ सोमबार
न्युयोर्कका गभर्नर एन्ड्रयु कुमोले अमेरिकाबाट देशनिकालाको सामना गरिरहेका ७ जना आप्रवासीलाई क्षमादान दिएका छन् । क्षमादान दिनसक्ने अधिकारको उपयोग गर्दै कुमोले उनीहरुलाई अमेरिकाबाट देशनिकाला हुन नपर्नेगरी क्षमादान दिएका हुन् ।
बर्षौं अगाडिका सामान्य अपराधको आधारमा उनीहरुले देशनिकालाको सामना गरिरहेका थिए । सातै जनालाई समुदायलाई बुझाइएको कुमोले वक्तब्यमार्फत जानकारी दिएका छन् ।
कुमोले आफ्नो विशेषाधिकारको प्रयोग गर्दै क्षमदान दिएको यो तेश्रो पटक भएको जनाइएको छ । गत डिसेम्बरमा पनि कुमोले १८ कागजपत्रविहिनहरुसहित ६१ जनालाई क्षमादान दिएका थिए ।
राष्ट्रपति डोनाल्ड ट्रम्पको नीति कागजपत्रविहिन आप्रवासीहरुबिरुद्ध केन्द्रीत रहेको अवस्थामा कुमोको यस्तो निर्णय आएको हो । उनले आफूहरु आप्रवासीको रक्षाका लागि प्रतिबद्ध रहेको बताएका छन् ।
Today I issued pardons to 7 individuals facing the threat of deportation resulting from minor convictions. While President Trump engages in policies that rip children from their mothers and tries to ramp up the deportation of New Yorkers, we will protect our immigrant communities
— Andrew Cuomo (@NYGovCuomo) July 23, 2018