Follow @khasokhasmag

सरकारमाथि आक्रमण गर्दैमा बिचलित हुदैनौं :प्रधानमन्त्री ओली


प्रकाशित मिति : असार २६, २०७५ मंगलबार

प्रधानमन्त्री केपी शर्मा ओलीले सरकारमाथि चौतर्फी आक्रमण हुन थालेको भन्दै यसले आफुलाई बिचलित नगर्ने स्पष्ट पार्नुभएको छ ।

मंगलबार काठमाडौंमा नेपाल प्रज्ञा प्रतिष्ठानको नवनिर्मित पुस्तकालय भवन र प्रज्ञा आधुनिक छापाखानाको उद्घाटन गर्दे प्रधानमन्त्री ओली राष्ट्रनिर्माणको अभियानमा आफु अघि बढेको भन्दै कसैले सरकारमाथि आक्रमण गर्देमा आफु बिचलित नहुने बताउनुभएको हो ।

उहाले सरकारको सम्पूर्ण ध्यान मुलुकको बिकास र समृद्धिमा केन्द्रित रहेको जिकिर गर्नुभयो । आफुले बिकासका कुरा गर्दा केहिलाई असहज भएको बन्दै प्रधानमन्त्री ओलीले मुलुकको बिकासका लागी आफु प्रतिवद्ध भएर अघि बढ्ने स्पष्ट पार्नुभयो ।

त्यस्तै प्रधानमन्त्री ओलीले तुइनको ठाउँमा झोलुङ्गे पुल वा त्यो नभए केवलकार राखेर भए पनि तुइन ईराको अन्त्य गरेरै छाड्ने प्रतिवद्धता समेत जनाउनुभयो । उहाले केहि प्रागिक वर्ग राजनीतिक आस्थाको कैदी भएर राष्ट्रको उदेश्यको बाधक बनेको आरोप लगाउनुभयो ।

कार्यक्रममा प्रज्ञा–प्रतिष्ठानका कुलपति गङ्गाप्रसाद उप्रेतीले नेपालको सस्कृतिलाई आत्मसाथ गर्दे नेपाल भारत चीनसंगको सम्बन्ध बिस्तार गर्दे प्राज्ञिक महत्वका बिषयका कार्यक्रम गर्दे जाने बताउनुभयो ।

पुस्तकालय भवन निर्माणका लागी भारत सरकारले नेपाल सरकारलाई चार करोड ३९ लाख ४० हजार रुपैयाँ सहयोग गरेको थियो । नवनिर्मित पुस्तकालयबाट नेपाल र भारत प्राज्ञिक समुदाय तथा अनुसन्धानकर्ताहरुलाई सन्दर्भ सामाग्रीसहितका अनुसन्धान सामाग्रीहरु उपलब्ध गराउने बताइएको छ ।

पुस्तकालयमा पुस्तक प्रकाशनका लागि आधुनिक अफसेट प्रेससमेत राखिएको छ । पुस्तकालयलाई डिजिटल पुस्तकालयका रुपमा अगाडि बढाउने लक्ष्य प्रतिष्ठानले लिएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com