Follow @khasokhasmag

बर्तिकालाई सुस्मिता सेनबाट महिला शशक्तिकरण अवार्ड


प्रकाशित मिति : असार ८, २०७५ शुक्रबार

मिस नेपाल युएस २०१३ बर्तिका राई मिस युनिभर्स १९९४ सुस्मिता सेनबाट सम्मानित भएकी छिन् । दर्जनौं चलचित्रमा अभिनय गरिसकेकी सुस्मिता सेन चर्चित भारतीय कलाकार हुन् ।

बिहिबार न्युयोर्कको लङ आइल्याण्डमा आयोजित कार्यक्रममा बर्तिका सम्मानित भएकी हुन् । महिला शशक्तिकरणको मर्मसहित आयोजित कार्यक्रममा बर्तिका लगायतका केही महिलाहरुलाई कार्यक्रममा सम्मान प्रदान गरिएको थियो । तर नेपालीमध्येमा बर्तिकामात्र थिइन् ।

बर्तिकालाई उनको परिचयसहित स्टेजमा बोलाएर सुस्मिता सेनले क्रिस्टल अवार्ड प्रदान गरेकी थिइन् । बर्तिका मिस नेपाल युएस २०१३ मात्र होइनन्, उनले गाएका कैयन गीतहरु समेत चर्चित छन् । बाल्यकालदेखि नै संगीतमा रुची भएपनि उनी बिम्बाकाश नामको एल्बमपछि चर्चामा आएकी थिइन् ।

मिस नेपाल युएस २०१३ बर्तिकाले सुस्मिता सेनबाट महिला शशक्तिकरण सम्मान प्राप्त गरेकोमा मिस नेपाल युएसका संस्थापक तथा सीइओ अमित शाहले खुशी व्यक्त गरे । मिस नेपाल युएस र अन्य यस्तै कार्यक्रममार्फत महिला शशक्तिकरणका पक्षमा लागिपर्ने शाहले बताए ।

मिस नेपाल युएसको आगामी संस्करण अगस्त १९ मा टेक्सासको डालसमा हुँदैछ । अमेरिकामा रहेका नेपाली चेलीहरू, १८ देखि २५ वर्ष, ले भाग लिन सक्ने सो प्रतियोगिता यो वर्ष नेपाल ११ इन्टरटेनमेन्टको ब्याबस्थापनमा हुनेछ। प्रतियोगिताको विजयीलाई पाँच हजार अमेरिकी डलर धन राशिले सम्मान गरिने छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com