न्युयोर्कबाट नदियाको “ नदिया लहर ”

खसोखास अमेरिका ब्यूरो

---

प्रकाशित मिति : असार ३, २०७५ आईतबार

युवा साहित्यकार नदिया लिवाङ्गकोे पहिलो कविता संग्रह “ नदिया लहर ” न्यूयोर्कमा विमोचन भएको छ । नेपाली महावाणिज्य दूतावासका वाणिज्यदूत कृशु क्षेत्रीले एक समारोह बीच कविता संग्रहको विमोचन गरेका हुन् ।

लामो समयदेखि कविता र गीत कोरिरहेका लिवाङ्गका कविताहरु विभिन्न सञ्चार माध्यमहरुमा पनि प्रकाशन भइरहेकोमा यस पटक ती प्रकाशित र अप्रकाशित सबै कविताहरुको संग्रह निकालेको लिवाङ्गले बताइन् ।

“ हरेक मानिसहरु मेरो विचारमा कवि हुन्, फरक यति हो कसैले त्यसलाई शब्दमा व्यक्त गर्छन् कसैले गर्दैनन् , ” उनले भनिन् ।

कार्यक्रममा बोल्दै वाणिज्यदूत क्षेत्रीले साहित्यकार लिवाङ्गको कविताहरुको प्रशंसा गर्दै उनको कवितामा छुट्टै भावहरु समेटिएको उल्लेख गरे ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

“ मित्र नदियाका कविताहरु धेरै पछि पढ्न पाइयो , मलाई खुशी लागेको छ,” क्षेत्रीले भने ।

५६ वटा कविता रहेको संग्रहबाट आफु उत्साहित रहेको बताउंदै लिवाङ्गले आफ्नो हरेक पाइलामा साथ दिने पतिका कारण आफ्नो साहित्यिक पाटो अझ फैलिएको बताइन् ।

“ मेरो श्रीमान् विश्व थापाको साथको कारण आज यो संभव भएको हो ,” उनले भनिन् ।

कार्यक्रममा साहित्यकार लिवाङ्गको कविता “एउटी छोरीको प्रतिज्ञा” लाई भिडियोमा उतारिएको थियो जुन कार्यक्रममा उपस्थित दर्शकहरुले निकै नै रुचाएका थिए ।