Follow @khasokhasmag

अमेरिकी राष्ट्रपतिले गरे दिपावली, सबैलाई दिए शुभकामना


प्रकाशित मिति : कार्तिक १५, २०७३ सोमबार

 

अमेरिकी राष्ट्रपति बराक ओबामाले ह्वाइट हाउसको ओभल अफिसमा दिपावली गर्नुका साथै दिपावलीको अवशरमा सबैलाई शुभकामना दिएका छन् । दिपावलीको अवशरमा शुभकामना दिदै ओबामाले भनेका छन् – ‘अमेरिका र विश्वभर उज्यालोको पर्व दिपावली मनाउनेहरु सबैलाई दिपावलीको शुभकामना ।’

यो पर्व नराम्रोमाथि राम्रोको विजय र उदासिनतामाथि ज्ञानको विजयको रुपमा मनाइने कुरा आफूहरुले स्वीकारेको बताउँदै ओबामाले सन् २००९ मा आफूले पहिलोपटक ह्वाइट हाउसमा दिपावली उत्सव आयोजना गरेको स्मरण गरेका छन् ।

ओबामाले भनेका छन् – ‘मैले सन् २००९ मा ह्वाइटहाउसमा दिवावलीको उत्सव मनाउने पहिलो राष्ट्रपतिका रुपमा आफूलाई गौरवान्वित महसुस गरेको थिएँ ।’

ओबामाले मुम्बईमा दिवापलीका क्रममा आफू र मिशेललाई गरिएको स्वागत कहिले पनि नबिर्सने बताएका छन् । यसपटक ओबामाले ह्वाइट हाउसको ओभल अफिसमा दियो बालेर दिपावली मनाएको जनाएका छन् । दिपावलीको अवशरमा ह्वाइट हाउसको ओभल अफिसमा दियो बालिएको यो नै पहिलो पटक हो ।

सम्पूर्ण ओबामा परिवारका तर्फबाट अमेरिकी राष्ट्रपति ओबामाले दिपावलीको अवशरमा सुखशान्तिको शुभकामना दिएका छन् ।

यसैबीच नेपालका लागि अमेरिकी राजदूत एलाइना टेप्लिजले पनि आफ्नो निवासमा दियो बालेर र रंगोली बनाएर दिपावली मनाएकी छिन् ।

14570476_1120146244689100_1790418239758862190_n

14572407_1120146178022440_5169879016483811530_n

14883687_1120146318022426_8663349597201141513_o

14908289_1120146331355758_1889659312014702651_n

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com