अमेरिका निवासी पत्रकार सूर्य थापाको टेलिभिजन शो आइतबार राती नेपाल टेलिभिजनमा
प्रकाशित मिति : बैशाख २२, २०७५ शनिबार
टेलिभिजन पत्रकारितामा चर्चित अमेरिकाको टेक्सास निवासी नेपाली पत्रकार सूर्य थापाले नयाँ टेलिभिजन शो ‘यु स्टार्ट अगेन’ हरेक महिनाको दोश्रो र अन्तिम आइतबार राती १० बजे नेपाल टेलिभिजन सम्बद्ध एनटीभी प्लसमा प्रशारण हुने भएको छ । नेपालमा एबीसी टेलिभिजनमा लामो समय काम गरिसकेका पत्रकार थापासँग अमेरिकामा ह्वाइट हिमाल टेलिभिजनमा काम गरेको लामो अनुभव छ । उनीसँग नेपालमा एफ एम रेडियोहरु र पत्रपत्रिकाहरुमा समेत काम गरेको अनुभव छ ।
कार्यक्रम अमेरिकामा रहेका नेपालीहरुको बारेमा तयार पारिने प्रस्तोता सूर्य थापाले जानकारी दिएका छन् । कार्यक्रमको पहिलो भाग अमेरिकामा रहेका नेपालीहरुको समग्र अवस्था र कार्यक्रमको रुपरेखालाई समेटेर तयार पारिएको थापाले जानकारी दिएका छन् । अमेरिकाको बिभिन्न राज्यमा पुगेर निर्माण हुने कार्यक्रमका केही भागहरु तयार भईसकेका छन् ।
नेपालमा अधिकार प्राप्तीका लागि दोश्रो जनआन्दोलन चलिरहेको बेला पत्रकारितामा होमिएका पत्रकार हुन् सूर्य थापा । गुल्मी जिल्लामा जन्मेर राजधानीलाई पत्रकारिताको कर्मथलो बनाएका पत्रकार थापा जनआन्दोलनमा रिर्पोर्टिङ क्रममा घाईते समेत भएका थिए । एबीसी टेलिभिजनमार्फत उनले फिल्ड रिर्पोर्टिङ र लाइभ रिर्पोर्टिङमा अलग्गै पहिचान बनाएका थिए ।
सन् २०१० मा अमेरिका आइसकेपछि अमेरिकी सरकारको विदेशमन्त्रालय अन्तरगत वैदेशिक संचार केन्द्रबाट पत्रकारिताका लागि मान्यता पाएका थापाले त्यसपछि लगातार नेपाली समुदायका बारेमा रिर्पोर्टिङ गर्दै आएका छन् । सन् २०११ देखि अमेरिकामा पहिलो पटक २४ सै घण्टा सन्चालनमा आएको नेपाली भाषाको टेलिभिजन ह्वाईट हिमाल टेलिभिजनमा कम्युनिटी सम्बन्धी बिभिन्न कार्यक्रम सन्चालन गरेका थापाले कार्यक्रम उत्पादन तथा सन्चालन गरेका थिए ।
