भित्रभित्रै संविधान संशोधनको  तयारी !

प्रकाशित मिति : कार्तिक २, २०७३ मंगलबार

नेपाली कांग्रेसका सभापति शेरबहादुर देउवाले संविधान संशोधनको लागि प्रमुख प्रतिपक्षी नेकपा एमाले र मधेस केन्द्रित दलहरुसँग आन्तरिक छलफल भइरहेको बताएका छन्। संविधान संशोधन गर्न एमालेको पनि सहयोग आवश्यक पर्ने भन्दै उनले एमालेलाई पनि सहमतिमा ल्याउने प्रयास भइरहेको संकेत गरे।

शहिद सरोज कोइरालाको ४३ औं स्मृति दिवसको अवसरमा मंगलबार आयोजित संविधान कार्यान्वयनका चुनौती र कांग्रेसको भूमिका’ बिषयक अन्तर्क्रियामा सभापति देउवाले भने ‘संविधान संशोधनमार्फत सहमति कायम गर्न मधेसी दल र एमालेका नेतासँग कुरा भइरहेको छ। यो हो–हल्ला गर्ने विषय होइन।’

‘सीमांकन लगायतका बिषयमा सहमति गर्न संविधान संशोधन गर्नुपर्छ। त्यसका लागि दुई तिहाई जरुरी हुन्छ’, देउवाले प्रश्न गरे ‘हो हल्ला गरेर कहीँ संविधान संशोधन हुन्छ?’ सभापति देउवाले कुनै पनि हालतमा स्थानीय, प्रदेश र संसदको चुनाव गराएर छाड्ने प्रतिवद्धता व्यक्त गर्दै जनतालाई यस्तै सन्देश दिएर आश्वस्त पार्न कार्यकर्ताहरुलाई आग्रह गरे।

कांग्रेस वरिष्ठ नेता रामचन्द्र पौडेलले प्रमुख प्रतिपक्ष दल एमालेका अध्यक्ष केपी शर्मा ओलीले स्थानीय तहको निर्वाचनको विषयमा बिबाद देखिएको भनी सिधै संसदको चुनाव गर्न गरेको प्रस्ताव आफूले इन्कार गरेको बताए। केही दिन पहिले एमाले अध्यक्ष ओलीसँग भएको कुराकानीको प्रसंग कोट्याउँदै पौडेलले भने ‘ओलीजीले स्थानीय तहको छाडेर सिधै प्रतिनिधि सभाको निर्वाचन गरौं भन्नुभयो तर मैले मानिन।’

पौडेलले स्थानीय तहको निर्वाचन नगरी संसदको मात्र चुनाव गराउँदा संघीयता कार्यान्वयन गाउँ तहसम्म नहुने र राष्ट्रिय सभा पनि गठन नहुने भएकोले गाउँ नगरको चुनाव गर्नैपर्ने सुझाव ओलीलाई दिएको पनि बताए। उनले भने ‘अब गाउँ र नगरको सख्या २/३ सयमा खुम्च्याएर ठूलो बनाउनु भन्दा ७५ वटा जिल्लालाई नैं स्थानीय तहको अधिकार दिँदा व्यवहारिक कार्यान्वयन हुन्छ।’ अर्को प्रसंगमा उनले पार्टी सभापति शेरबहादुर देउवालाई १३ औं महाधिवेशनदेखि नैं आफूले सघाउँदै आएको दाबी गरे।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com