Follow @khasokhasmag

लोकमान सिंह बेपत्ता, अमेरिकामा भएको आशंका, अमेरिकाबाट देशनिकाला गर्न हस्ताक्षर


प्रकाशित मिति : कार्तिक २, २०७३ मंगलबार

 

१० दिनको बिदा लिएर क्यानडा गएका अख्तियार दुरुपयोग अनुसन्धान आयोगका प्रमुख लोकमान सिंह कार्की बेपत्ता भएका छन् । नेपालमा सर्बोच्च अदालतले खोजेपछि उनी बेपत्ता भएका हुन् । उनी क्यानडाबाट भारतमा आएको आशंका गरिएपनि अमेरिकातिर छिरेको भन्दै अमेरिका र क्यानडाबाट देशनिकाला गर्न हस्ताक्षर अभियान सुरु गरिएको छ । चेन्ज डट ओर्गमा सुरु गरिएको हस्ताक्षर अभियान तोकिएको हस्ताक्षर संख्या पूरा भएपछि अमेरिकी सरकारको डिपार्टमेन्ट अफ जस्टिस र क्यानडा सरकारको अध्यागमन विभागमा पुग्ने जनाइएको छ ।

असंवैधानिक नियुक्ती, शक्तिको दुरुपयोग र अदालतको मानहानी गरेको आरोप लागेका कार्कीलाई नेपालमा सर्वोच्च अदालतले खोजिरहेको छ । कार्कीले भ्रष्टाचारविरुद्धको सम्मेलनमा भाग लिन क्यानडाको भ्रमण गरेका थिए । त्यसपछि कार्की अमेरिकामा छिरेको पिटिसनमा उल्लेख गरिएको छ ।

तपाईपनि लोकमानलाई अमेरिका र क्यानडाबाट निकाला गरेर सर्बोच्च अदालतमा उपस्थीत गराउन चाहनुहुन्छ भने हस्ताक्षरका लागि यहाँ क्लिक गर्नुहोला । 

पिटिसनमा कार्की मानवअधिकारको उल्लंघनकर्ता र अन्तर्राष्ट्रिय युद्ध अपराधी रहेको आरोप लगाउँदै यस्ता व्यक्तिलाई अमेरिका र क्यानडामा अनुमति दिन नहुने भन्दै त्यहाँका सरकारलाई कार्कीलाई फिर्ता पठाउन आग्रह गरिएको छ ।

 

यसैबीच अख्तियार दुरुपयोग अनुसन्धान आयोगका प्रमुख आयुक्त लोकमान सिंह कार्कीको बानेश्वरस्थित घरमा म्याद टाँस गर्न पुगेका सर्वोच्च अदालतका कर्मचारीको टोलीलाई सामसङका कर्मचारीले रोकेका छन् ।

सामसङका कर्मचारीले आफूहरुले भाडामा लिएको घर भएकाले म्याद टाँस गर्न नदिने भन्दै सर्वोच्चका तामेलदार फर्काएका थिए । दसैं अघि नै उनको घरमा म्याद टाँस गर्ने तयारी भए पनि पहिलोदिन महानगरको असहयोग र अर्कोदिन तामेलदार नै बेपत्ता भएपछि रोकिएको थियो । कार्कीको नियुक्ति गैरकानुनी भन्दै अधिवक्ता ओम प्रकाश अर्यालले दिएको रिट निवेदनपछि सर्वोच्चले दुवै पक्षलाई बोलाएको छ ।

अख्तियार दुरुपयोग अनुसन्धान आयोगका प्रमूख आयुक्त लोकमान सिंह कार्की १० दिन विदा लिएर क्यानडाको भ्रमणमा गएका थिए । उनी झण्डै एकमहिनादेखि कार्यालयमा अनुपस्थित छन् । प्रमुख आयुक्त कार्कीले क्यानडा जानुअघि राष्ट्रपति कार्यालयमा विदाका लागि निवेदन दिएका थिए। उनले लिएको दश दिनको विदा असोज १३ गते नै सकिएको थियो । अख्तियारलाई समेत कार्की १० दिनको विदा लिएर करिब एक महिनासम्म नफर्कदा कहाँ गएको भनेर जवाफ दिन अप्ठेरो परिरहेको छ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com