‘फेस अफ मारवाडी’को र्याम्पमा सविता, दिक्पाल, उषा र संचिता

खसोखास अमेरिका ब्यूरो

---

प्रकाशित मिति : चैत्र २६, २०७४ सोमबार

अन्तर्राष्ट्रिय स्तरमा समेत मोडलिङ गरिसकेका चर्चित नेपाली मोडलहरु सविता कार्की र दिक्पाल कार्की आइतबार काठमाडौंमा एउटै र्याम्पमा उत्रिएका छन् । साथमा मिस नेपाल उषा खड्की र कलाकार संचिता लुइटेल पनि र्याम्पमा उत्रिएका थिए ।

आइतबार सोल्टी क्राउन प्लाजामा भएको फेस अफ मारवाडी प्रतिस्पर्धामा शो टपरका रुपमा उनीहरु र्याम्पमा उत्रिएका हुन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

१६ देखि २८ बर्ष उमेर समुहका मारवाडी युवायुवतीले भाग लिएका सो प्रतिस्पर्धा मारवाडी समुदायका युवा युवतीको व्यक्तित्व विकाशका लागि गरिएको हो । राजधानीमा पहिलो पटक आयोजित यो प्रतिस्पर्धाका लागि काठमाडौं, विरगञ्ज विराटनगर लगायतका स्थानमा अडिशन गरिएको थियो ।

डिजाइनर मिनल अग्रवाल, दीपा मल्ल ठकुरी र विनिता भट्टको डिजाइनमा सविता, दिक्पाल, उषा र संचिता र्याम्पमा उत्रिएका थिए । कार्यक्रमको कोरियोग्राफी पनि मिस नेपाल उषा खड्कीले गरेकी थिइन् ।

चर्चित मोडल सविता कार्की भारतको चर्चित इन्डियाज नेक्स्ट टप मोडलमा फस्ट रनर अप भएकी थिइन् । १९ बर्षको उमेरदेखि नै मोडलिङमा लागेकी सविता नेपालमा दर्जनौं थुप्रै फेशन शोहरुमा उत्रिएर चर्चाको शिखरमा पुगेकी थिइन् । भिक्टोरिया सेक्रेटकी मोडलबाट प्रभावित उनी अहिले उनी नेपालमामात्र होइन नेपाल बाहिर समेत चर्चित बनेकी छिन् ।

मोडल दिक्पाल कार्की थाइल्याण्डमा भएको मिस्टर ग्लोबलमा छैठौं स्थानमा आएका थिए भने फिलिपिन्समा भएको मिस्टर ग्रयाण्ड इन्टरनेशनलमा पब्लिक च्वाइस अवार्ड र सोसल मिडिया स्टार बन्न सफल भएका थिए ।

कोरियन क्लोथिङ ब्राण्ड ब्लायकयाकका लागि चर्चित कोरियन मोडल जो इन संगसँग मोडलिङ गरेका दिक्पालले ब्रागेइस ब्राण्डको जुत्ताका लागि समेत मोडलिङ गरेका थिए ।