अर्थमन्त्रीबाट श्वेतपत्र सार्वजनिक, संसदमा भने ‘सरकारी ढुकुटी रित्तो छ’


प्रकाशित मिति : चैत्र १६, २०७४ शुक्रबार

अर्थमन्त्री युवराज खतिवडाले मुलुकको आर्थिक अवस्थालाई समेटेर सरकारले ल्याएको श्वेतपत्र सार्वजनिक गरेका छन् ।

श्वेत पत्र जारी गर्न रोष्टममा पुगेका खतिवडाले अर्थ मन्त्रालयको पूर्ण विवरण सार्वजनिक गर्नुपूर्व श्वेतपत्रको साक्षेप संसदलाई जानकारी दिए ।

प्रतिनिधिसभामा बोल्दै अर्थमन्त्री खतिवडाले बजेट अनुशासन पलना नहुँदा देशको ढुकुटी लगभग रित्तो हुने अवस्थामा पुगेको बताए । उनले उत्पादनमूकलभन्दा वितरणमुखी बजेटका कारण अपेक्षित उपलब्धी हात पार्न नसकिने अवस्था आएको बताए ।

उनले संघीयता कार्यान्यवयननसँगै सरकारी खर्चको मात्रा बढे पनि त्यसअनुरुप राजश्व बढ्न नसकेको बताए । ब्यापार घाटा बढ्दै जानु, रेमिट्यान्सको आप्रवाह घट्दै जानु, पुनर्निर्माणको काम सुस्त हुनु लगायतका कारण पनि समस्या आएको औंल्याए ।

देशको समग्र आर्थिक अवस्थाको जानकारी गराउँदै अर्थमन्त्री खतिवडाले स्थापित मान्यता विपरीत कर छुट दिने गरेको पाइएको बताए ।

उनले अहिले देशको समष्टिगत आर्थिक परिसूचकहरु सकारात्मक रहेको बताउँदै गैरबजेटरी खर्चमा नियन्त्रण हुन नसकेको बताए ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com