Follow @khasokhasmag

माओवादी केन्द्रको अग्निपरीक्षा


प्रकाशित मिति : आश्विन २६, २०७३ बुधबार

दशवटा माओवादी घटक समूह र व्यक्तित्व सम्मिलित भएर निर्माण भएको नेकपा (माओवादी केन्द्र) अहिले जटिल एवम् गम्भीर सांगठनिक समस्याबाट ग्रस्त छ । पुरानो संरचना सबै समाप्त भएको तर नयाँ संरचना अझै पनि व्यवस्थित गर्न नसकेको छटपटी यो बेला यो पार्टीमा देखिन्छ । अहिले कतिपय ठाउँमा बनाएका सांगठनिक संरचना पनि कामै गर्न नसक्ने अत्यन्त भद्दा र अव्यावहारिक बनेका छन् । केन्द्रीय समितिको समस्या सबैभन्दा जटिल र गम्भीर बनेको छ । चार सय ९९ बाट सुरुवात गरेको यो संस्या अहिले चार हजारमा पनि अटाएको छैन । दिनदिनै ज्यामितीय गतिमा यो आकार बढिरहेको छ । यसलाई उचित व्यवस्थापन गर्न नसक्दा पार्टी एकताबाट पैदा भएको आम उत्साहमा चिसो पानी खन्याएको त छँदैछ समाजमा अहिले यही विषय हास्यको रुप लिएको छ । ‘गाउँ गाउँमा सीसीएम, घरघरमा डीसीएम’ को व्यङ्ग्यात्मक नारा बनिरहेको छ । विपक्षी राजनीतिक पार्टीको ‘पदलोलुपता’ को प्रहारको जवाफ दिन नसकी यसका नेता–कार्यकर्ता नाजवाफ भइरहेका छन् । माओवादी केन्द्र अहिले आफ्नो केन्द्रीय समितिको व्यवस्थापन गर्न नसक्दा हैरान परेसान बनिरहेको छ ।

पार्टी संगठनको यही जटिल समस्या समाधान गर्न केही समयदेखि यसका नेतागण गम्भीर आत्मचिन्तनमा लागिरहेका छन् । असोज ८ र १० गते सम्पन्न नेकपा (माओवादी केन्द्र) को सचिवालय बैठकले केही विषयमा समस्याको पहिचान गरी समाधानको बाटो पहिल्याउने जमर्को गरेको छ । यसले संगठनसम्बन्धी पैदा भएको जटिलतालाई व्यापक बहस, छलफल गरी समाधान गर्न राष्ट्रिय भेलाको आयोजना गरेको छ । कार्तिक ९–११ सम्म काठमाडौं राष्ट्रिय भेला ‘छरितो’ र ‘कामकाजी’ केन्द्रीय समिति बनाउने संकल्प गरेको छ ।

‘जंगलमा हिंड्दा बाटो जहाँबाट विराएको हो त्यहीं फर्कने’ भनाइअनुसार नै माओवादी केन्द्र विगतमा पार्टी एकता गर्दा जे–जस्तो सहमति गरिएका थिए त्यसैलाई नै कार्यान्वयन गर्दा कल्याण हुन्छ भन्नेमा विस्तारै आइपुगेको देखिन्छ ।

पार्टी एकता भएपछि यस क्रममा युद्धस्तरमा संगठन विस्तार र सुदृढ गर्ने सुनौलो मौका गुमायो । राष्ट्रिय भेला माओवादी केन्द्रका लागि स्थानीय निर्वाचन आयोजना छँदैछ । ठूलै अनिष्ट नभएमा देश स्थानीय निर्वाचनतिर लम्किरहेको छ । स्थानीय निर्वाचन गराउने जिम्मा पनि माओवादी केन्द्रकै नेतृत्वले प्राप्त गरेको छ । आफैले आयोजना गराउने चुनावमा यही संगठन लिएर जाँदा शर्मनाक पराजय बेहोर्ने सम्भावना छ । सचिवालय बैठकमा पार्टी अध्यक्ष एवम् प्र.मं. प्रचण्डले यसको उद्घोष समेत अप्रत्यक्ष रुपमा गरे । ‘अघिल्लो संविधानसभाको चुनावमा पूर्व एमाओवादीले सबै ठाउँ जितिन्छ मात्र रिपोर्ट दिन्थे । अहिलेको स्थानीय चुनावमा हारिन्छ मात्रै रिपोर्ट आएको छ । यो गम्भीर हो । अध्यक्ष प्रचण्डको ‘विगतमा जितिन्छ भन्दा हारियो, अहिले हारिने रिपोर्ट आउँदा जित्ने पनि हुनसक्छ’ भन्ने टिप्पणी रहेको थियो ।

देशभित्र संविधान संशोधनमा बन्दै गएको आमसहमतिले क्रमशः देशमा सुखद् माहौल बनेको परिप्रेक्ष्यमा देश स्थानीय चुनावतिर मोडिएको छ । यस्तो बेला माओवादी केन्द्रको तयारी कमजोर र दयालाग्दो छ । संगठनात्मक समस्या यी सबैको केन्द्रमा रहेको छ । आगामी कार्तिकमा राष्ट्रिय भेलाले एकैपटक सांगठनिक समस्या हल गर्दै स्थानीय निर्वाचनको तयारी भेला गर्ने उद्घोष गरेको छ । माओवादी केन्द्रका लाखौं समर्थकहरुले यही चाहेका छन् । यसका लागि राष्ट्रिय भेलाको नतिजा कुर्नुपर्ने भएको छ । समयबद्ध

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com