अमेरिकामा दीपल पुनको पहलमा म्याग्दीका मृगौलारोगीलाई सहयोग
प्रकाशित मिति : आश्विन २२, २०७३ शनिबार
म्याग्दीका ३३ बर्षका मृगौला रोगी कुमार पुनको सहयोगार्थ अमेरिकामा १ लाख ३१ हजार ३ सय ५२ रुपैया संकलन भएको छ । अमेरिका निवासी म्याग्दीका दीपल पुनको पहलमा सो रकम संकलन भएको हो ।
म्याग्दी जिल्ला बिम गा.बि.स.बाईन्दोफाँट ९ का कुमार पुनको दुबै मृगौलाले काम गर्न छाडेपछि अहिले मानव अंग प्रत्यारोपन केन्द्र भक्तपुरमा उपचार भइरहेको छ । उनको सहयोगार्थ म्याग्दीको भारबाङ्ग ४ बिमका न्युयोर्क निवासी दीपल पुनले सहयोग संकलन अभियान चलाएका थिए ।
न्युयोर्कमा दुईहप्ताको अवधिमा संकलन भएको ४ हजार १ सय १२ डलर नेपाल पठाएर दीपलका बुबा पूर्ण बहादुर पुन र आमा लालमति पुनमार्फत पीडित कुमार पुनलाई बुझाइएको छ । यो अभियानमा सहयोग गर्ने सबैलाई दीपल पुनले धन्यवाद दिएका छन् । आफ्नै बुबाआमाको हातबाट संकलित रकम हस्तान्तरण गर्न पाएकोमा खुशी व्यक्त गर्दै दिपलले सहयोगी सबैप्रति सुस्वास्थ्य र दीर्घायुको कामना गर्दै दशैं र तिहारको शुभकामना समेत दिएका छन् ।
म्याग्दीका जन्मिएर काठमाडौंमा हुर्किएका दीपल पुन अफगानिस्तानमा ३० जना तालिवानसँगै एक्लै लडेर बेलायती महारानीबाट ब्रेभरी मेडल प्राप्त गर्ने बेलायती सेनामा कार्यरत दीपप्रसाद पुनका भाई हुन् ।
सहयोग गर्नेहरुको विवरण यस्तो छ
