Follow @khasokhasmag

एनआरएनले भूकम्पपीडितका लागि बनाउने नमुना बस्तीको शिलन्यास


प्रकाशित मिति : आश्विन २१, २०७३ शुक्रबार

 

एनआरएन डेको अवशरमा गोरखाको लाप्राकमा एनआरएनले भूकम्पपीडितका लागि निर्माण गर्ने नमुना बस्तीको शिलन्यास गरिएको छ । प्रधानमन्त्री पुष्पकमल दाहाल प्रचण्डले एनआरएनले निर्माण गर्ने नमुना बस्तीको शिलन्यास गर्नुभएको हो । कार्यक्रममा गैर आवासीय नेपाली संघका अध्यक्ष शेष घले, संरक्षक जिवा लामिछाने लगायतका एनआरएहरु हेलिकप्टरमार्फत लाप्राक पुगेका थिए ।

14522951_583270298548241_6117374974587368646_n

एनआरएनले गोरखाको लाप्राकका भूकम्प पीडितहरुका लागि ४ सय ४४ घर बनाउन लागेको छ । एनआरएनले भूकम्पपीडितका लागि १ हजार घर निर्माण गर्ने घोषणा गरे अनुरुप लाप्राकमा ४ सय ४४ घर निर्माण गर्न लागेको र बाँकी घरहरु अन्यत्र बनाउने जनाइएको छ । एनआरएनले ६१२ घर बनाउन चाहेको भएपनि जग्गा अपुग भएकाले ४ सय ४४ बन्ने भएको छ भने बाँकी १५० घरका लागि नयाँ ठाउँको खोजि हुनेछ ।

14495277_583270235214914_2584871761701149771_n

एनआरएनले लाप्राकको गुन्सीपाखामा सुविधायुक्त ४ सय ४४ घरको नमूना बस्ती बनाउने भएको छ । बस्ती निर्माणको सिलान्यासका लागि गोरखाको लाप्राक पुगेका प्रधानमन्त्री प्रचण्डले एनआरएनले गर्न लागेको कामको प्रशंसा गर्दै लाप्राकमा बन्न लागेको एकीकृत बस्ती देशकै नमूना बस्ती हुने बताए ।

14572235_583270641881540_7968988316019315728_n

एनआरएनका अध्यक्ष शेष घलेले अबको एकबर्षभित्र लाप्राकबासीलाई नयाँ घरमा सार्ने प्रतिवद्धता व्यक्त गरेका छन् । नमुना बस्तीमा विद्यालय, स्वास्थ्य संस्था, सामुदायिक भवन, स्थानीय जाति, जनजातिको भेषभुषा, संस्कृति र रहनसहन झल्कने एवं प्राकृतिक स्वरुप कायम हुने खालका घरहरुमा बनाइने घलेले जनाएका छन् ।

14519708_583261251882479_350442375927720842_n-1

बस्तीमा होमस्टे, सामुदायिक गेष्ट हाउस समेत निर्माण गरी व्यक्तिगत र संस्थागत आम्दानीको स्रोत जुटाइनेछ । एकीकृत वस्तीमा संग्रहालय समेत बन्नेछ, जसमा पानी घट्ट, जाँतो, ढिकी, कम्युनिटी हल, परम्परागत बस्तु र संस्कारबारे सामग्री हुने र बस्तीमा सोलार इनर्जी, अपांगमैत्री संरचना हुने जनाइएको छ ।

फोटो : जिबा लामिछाने / फेसबुक

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com