नेपाल चिकित्सा संघले रिर्पोट प्रमाणपत्रमा एकरुपता ल्याउने तयारी
प्रकाशित मिति : माघ १७, २०७४ बुधबार
माघ १७, काठमाडौं । अस्पतालै पिच्छे फरकफरक रिर्पोट आउने क्रम बढ्दै गएकाले नेपाल चिकित्सा संघले रिर्पोट प्रमाणपत्रमा एकरुपता ल्याउने तयारी गरेको छ । संघले स्वास्थ्य मन्त्रालय र विश्व स्वास्थ्य संगठनको सहयोगमा रिर्पोट प्रमाणपत्रमा एकरुपता ल्याउने तयारी थालेको हो ।
अस्पतालहरुले आफु खुसी जन्म, मृत्युलगायतका विभिन्न रिर्पोट प्रमाणपत्रहरु दिँदै आएका छन् । जसले अस्पतालपिच्छे फरकफरक व्यवस्था हुँदा स्वास्थ्य क्षेत्रमा ठूलो समस्या देखिएको भन्दै यसलाई रोक्न रिर्पोट प्रमाणपत्रमा एकरुपता ल्याउन लागेको संघले जनाएको छ ।
संघले एक महिनादेखि नै यस विषयमा चिकित्सकहरुलाई तालिम दिन सुरु गरेको नेपाल चिकित्सक संघका अध्यक्ष मुक्तिराम श्रेष्ठले बताए ।
उनले भने, “कुनै मानिसको मृत्यु भयो भने एउटा अस्पतलमा एक किसिमको मृत्यु प्रमाणपत्र दिन्छ, अर्को अस्पतालले अर्कै किसिमको प्रमाणपत्र दिएको पाईन्छ । यस्तोलाई रोक्न मन्त्रालय र विश्व स्वास्थ्य संगठनको सहयोगमा प्रमाणपत्रमा एकरुपता ल्याउने भएको गरेका हौं ।”
अस्पताल नै पिच्छे अलग अलग किसिमको प्रमाणपत्र बाड्दै जाँदा अन्योल र समस्या निम्तिने भएकाले यसमा एकरुपता ल्याउन विशेष कार्यक्रम नै ल्याउन लागेको अध्यक्ष श्रेष्ठले भने । “रिर्पोटमा एकरुपता चाँडै नै ल्याईने संघले जनाएको छ ।
स्वास्थ्य क्षेत्रको सुधारका लागि संचालनमा रहेका अस्पतालहरुबाट प्रदान गरिने प्रमाणपत्रमा एक रुपता ल्याउन विश्व स्वास्थ्य संगठनको मापदण्डअनुसार नै प्रयोगमा ल्याईने संघले जनाएको छ ।