‘बिजनेस’को अभावमा संसद् एक महिना स्थगित हुने

प्रकाशित मिति : आश्विन १६, २०७३ आईतबार

व्यवस्थापिका–संसद्को बैठक एक महिनाभन्दा बढी स्थगित हुने भएको छ । सरकारका तर्फबाट ‘बिजनेस’ उपलब्ध हुन नसकेपछि छठसम्म बैठक स्थगित हुन लागेको हो । लामो समय बैठक स्थगित हुन लागे पनि अधिवेशन भने स्थगित नगर्न प्रमुख दलहरूले सभामुखलाई सुझाव दिएका छन् ।

कानुनमन्त्री अजयशङ्कर नायकले आइतबारको बैठकले केही विधेयक दफावार छलफलका लागि अनुमोदन गर्ने र बैठक स्थगित हुने बताए। नायकले भने, ‘निर्वाचनसम्बन्धी विधेयकमा केन्द्रित हुनुपर्ने बेला छ, सदनमा भएका र संशोधन दर्ता भइसकेका केही विधेयक आइतबार दफावार छलफलका लागि अनुमोदन गरेर संसद् स्थगित हुन्छ ।’

उनका अनुसार यातनालाई फौजदारी कसुर घोषित गर्ने विधेयकलाई आइतबारको बैठकले दफावार छलफलका लागि पठाउनेछ । यस्तै नयाँ आयोग गठनसम्बन्धी विधेयक पनि दफावार छलफलका लागि पठाइनेछ । गत बुधबारको बैठकले राष्ट्रिय दलित आयोग विधेयक, राष्ट्रिय समावेशी आयोग विधेयक, आदिवासी जनजाति आयोग विधेयक, मधेसी आयोग विधेयक, थारू आयोग विधेयक र मुस्लिम आयोग विधेयक संशोधनका लागि अनुमोदन गरेको थियो ।

शुक्रबारको कार्यव्यवस्था परामर्श समितिको सुझाव अनुसार संसद् बैठक स्थगित भए झण्डै डेढ महिना बैठक स्थगित हुनेछ । सभामुखको अध्यक्षतामा बस्ने कार्यव्यवस्था परामर्श समितिमा दलहरूका संसदीय दलका प्रमुख सचेतकले कात्तिक २३ गतेसम्म बैठक स्थगित गर्न सुझाव दिएका गोरखापत्रमा खबरछ ।

कार्यव्यवस्था बैठकमा सहभागी राष्ट्रिय प्रजातन्त्र पार्टी नेपालका प्रमुख सचेतक दिलनाथ गिरीले सरकारसँग तत्काल अनुमोदन गराउनुपर्ने विधेयक र नयाँ बिजनेस भएमा एकदुई दिन बैठक चलाऊँ नत्र चाडपर्वको बेलामा बिजनेस नभई बैठकलाई चलाउनु उपयुक्त नहुने बताए । सांसदलाई पनि टाढा जानुपर्ने हुन्छ भनेर कात्तिक २३ गतेसम्म बैठक स्थगित गर्न सुझाव दिएको पनि उनले स्पष्ट गरे ।

संसद्को चालू अधिवेशन वैशाख २१ गतेबाट सुरु भएको हो । सरकारले संवैधानिक व्यवस्था अनुसार जेठ १५ गते बजेट पेस गर्नुभन्दा पहिले नीति तथा कार्यक्रम ल्याउनका लागि वैशाख २१ गतेबाट अधिवेशन बोलाउन राष्ट्रपतिलाई सिफारिस गरेको थियो ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Int. Representative: KP Neupane(Jackson)
Resource Person: Bishwa Bahadur Shah
Goodwill Ambassador: Yam Baral

Contact Us

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com