प्रदूषणबाट मुक्ति पाउन चीनले बनायो अग्लो टावर
प्रकाशित मिति : माघ ३, २०७४ बुधबार
माघ ३, काठमाडौं । चीनले संसारको सबभन्दा अग्लो एयर प्युरिफायर टावर बनाएको छ । यसको उचाइँ ३३० फीट छ ।
चीनको राजधानी बेइजिङ संसारको सबभन्दा प्रदूषित शहरमध्ये एक हो । त्यहाँ हरेक वर्ष धूवाँ र धूलोका कारण मानिसहरूको मृत्यु हुने गरेको छ । हरेक व्यक्तिको शरीरमा दिनदिनै २१ चुरोटबराबरको धूवाँ छिर्ने गरेको छ ।
साउथ चाइना मर्निङ पोस्टका अनुसार, यो टावर झियानमा लगाइएको छ ।
चाइनिज एकेडमी अफ साइन्समा भएको इन्स्टिच्युट अफ अर्थ इन्भायरनमेन्टका वैज्ञानिकहरू यो टावरको परीक्षण गरिरहेका छन् ।
अनुसन्धान प्रमुख काओ जुंजीले टावर लगाएपछि १० किलोमिटर नजिक केही महिनायता हावाको गुणस्तरमा सुधार आएको छ ।
टावरले करिब एक करोड क्युबिक मिटर हावा सफा गरिसकेको छ ।
ग्रीन हाउसेजमार्फत यसले काम गर्छ । ती ग्रीन हाउसेज बेसमा फूटबल मैदानभन्दा आधी क्षेत्रफलमा फैलिएका छन् ।
जुंजीका अनुसार, शहरमा प्रदूषणको स्तर क्रिटिकल क्याटेगोरी हुँदा टावरनजिकको हावा मोडरेट स्टेजमा थियो ।
यो परीक्षण अहिले शुरुवाती चरणमा रहेको र थप परीक्षण गर्न बाँकी रहेको पनि उनले बताए । यसको परिणामका बारेमा विस्तृत जानकारी मार्च महिनामा दिइनेछ ।
जुंजीका अनुसार, पूर्ण कदको टावर ५०० मिटर अग्लो हुनेछ र यसको चौडाइ २०० मिटर हुनेछ । यसलाई बनाउनका लागि सन् २०१४ मा पेटेन्ट एप्लिकेसन दिइएको थियो ।
एजेन्सी