Follow @khasokhasmag

“नेप्लिज” हैन “नेपाली”


प्रकाशित मिति : आश्विन ११, २०७३ मंगलबार

-अनुज थापा

परराष्ट्रमन्त्री डा. प्रकाशशरण महतले “नेप्लिज” भन्ने शब्दलाई हटाएर “नेपाली” नै प्रयोग गर्ने आफ्नो निर्णयलाई मन्त्रिपरिषदमा पनि छिट्टै लाने जानकारी दिएका छन् ।

संयुक्त राष्टसंघको ७१ औं महासभालाई आइतबार सम्बोधन गरेपश्चात नेपाल अमेरिकी पत्रकार संघ(नेजा)ले न्युयोर्क मै आयोजना गरेको पत्रकार सम्मेलनमा बोल्दै डा. महतले तत्कालका लागि विश्वभर रहेका नेपाली राजदुतावास, कुटनीतिक निगोय, कन्सुलेट अफिसहरुलाई पनि मन्त्रालयले गरेको यस निर्णयबारे परिपत्र गरिसकेको बताए ।

“मैले भाषाविद्हरुसंग पनि यसबारे छलफल गरेको थिए, र उहांहरुले यो कुरा सहि भएको सल्लाह दिएपश्चात मैले यो निर्णय गरेको हुं,” उनले भने । “नेप्लिज भन्नुभन्दा नेपाली भन्दा ह्दय छुन्छ ।”

14470438_10154727637527122_3294253416843122164_n

मन्त्री महतले नेपाल सरकारले जारी गरेको हालको पासपोर्टमा “नेप्लिज” भएपनि अब नयां छापिने पासपोर्टमा “नेपाली” नै हुने जानकारी दिए ।

“अब एम. आर. पी. बाट पनि अर्काे पासपोर्टमा जाने कुरा भइरहेको छ, त्यो छाप्ने बेलामा “नेपाली” नै हुन्छ,” महतले भने ।

डा. महत गत महिना परराष्ट्रमन्त्रीको रुपमा बहाली भएपश्चात यो निर्णय गरेका हुन् ।

डा. महतसंगको छोटो कुराकानी सुन्न यहां क्लिक गर्नुहोस्।

 

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com