श्रीधरको निर्देशनमा पुष्प र वर्षाले बाँधे जोडी (म्युजिक भिडियो)

लामो समयदेखि अष्ट्रेलियामा बस्दै आएका गायक राजेश केसी र पछिल्लो पुस्ताकी चल्तीकी गायिका मेलिना राइको स्वर समावेश पछिल्लो गीत ‘नानी ज्यान’ सार्वजनिक भएको छ । सोमबार युट्युव मार्फत गीतको भिडियो पनि रिलिज गरियो ।

सार्वजनिक भिडियोमा अभिनेता तथा मोडल पुष्प खड्का र अभिनेत्री वर्षा शिवाकोटीले जोडी बाँधेका छन् । पुष्प अभिनित ठुलो पर्दाको ‘मंगलम’ रिलिजको क्रममा छ भने शिवाकोटी ‘भेरै’ फिल्मको सुटिङबाट केहि दिन पहिले मात्रै राजधानी फर्केकी थिइन् । फिल्म अभिनयसँगै भिडियोमा पनि उत्तिकै उपस्थिती जनाउँदै आएका पुष्प र वर्षा नेपाली सानो पर्दामा हिट जोडीमा गनिन्छन् ।

सञ्चारकर्मी समेत रहेका श्रीधर पौडेलको निर्देशनमा तयार भिडियोमा पुष्प र वर्षालाई प्रेम भावमा भेट्न सकिन्छ । पौडेलले पछिल्लो समय सञ्चारकर्म सँगसँगै भिडियो तथा विज्ञापन निर्देशनमा आफुलाई अब्बल प्रमाणित गर्दै आइरहेका छन् ।

यो भिडियोमा शब्द संगीत राजप्रताप केसीको छ भने एरेञ्ज बाबु प्रधानले गरेका छन् । ज्ञानेन्द्र शर्माले खिचेको भिडियोलाई निशान घिमिरेले सम्पादन गरेका हुन् । एशियन म्युजिकले भिडियोको बजार व्यवस्थापनको काम गरेको छ ।

Loading...

को हुन् गायक राजेश केसी ?

गायक राजेश रेडियो नेपालको वरिष्ट गायक शिव केसी र सावित्री केसीका छोरा हुन् । युवा अवस्थाको सम्झना सहित आफ्नै जीवन संगीनीलाई समर्पित गर्दै ‘नानी ज्यान’ एल्बममा समावेश हुनेगरी पछिल्लो गीत ‘नानी ज्यान’ नै नाम लिएर दर्शक श्रोतामाझ ल्याएको उनले बताए ।

Loading...

तीन दर्जन बढि गीतहरुमा स्वर संगीत भरिसकेका राजेश बालापनदेखिको पारिवारिक सांगितिक माहोलबाट बाहिर जान सकेनन् । सानो उमेरदेखि नै गीत संगीतसँग जोडिए । नारायणहिटी राजदरबारमा पुर्व राजा बिरेन्द्र परिवार रहँदा दिपेन्द्र सरकारको जन्मोत्सवमा राजपरिवारको अगाडी गायनकला प्रस्तुत गरेको अनुभव पनि राजेशसँग छ ।

पछिल्लो पटक लामो समयदेखि अष्ट्रेलिया बस्दै आएका राजेशले त्यहाँ रहँदा नेपाली कला संस्कृति तथा नेपाली कलाकर्मीहरुको पक्षमा विभिन्न कार्यक्रमहरु गर्दै आएका छन् । बुबाकै प्रेरणामा गीत संगीत क्षेत्रसँग जोडिएका उनि देश बाहिर रहे पनि नेपाली कला संस्कृतिबाट टाढा रहन नसक्ने बताउँछन् । राजेशले शरिरमा स्वास रहुन्जेल गीत संगीत सँगसँगै रहने बताए ।

भिडियो छायांकनका क्रममा श्रीधर पौडेलले खिचेका केही तस्विरहरु ।

Loading...

Loading...


प्रतिक्रिया दिनुहोस्

Namaste Media Inc. New York, USA

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Europe Editor: Hari Krishna Panthi
Online Editors: Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

Contact Us

NYS DOS ID : 5255258

© 2019 KHASOKAHS. Namaste Media Inc. All Rights Reserved.
Khasokhas is not responsible for the content of external sites.
DEVELOPED BY appharu.com
WP2Social Auto Publish Powered By : XYZScripts.com