Follow @khasokhasmag

स्कूलमा कुनै ठाउँमा गुरु हुन्छ्न त कुनै ठाँउमा गोरु शिक्षकले गरे स्कुलमै बलात्कार, चिठीमा सबै घटना लेखेर विष पिइन् छात्राले


प्रकाशित मिति : पुस ११, २०७४ मंगलबार

भारत :- आफ्नै शिक्षकले स्कुलमै आफूलाई बलात्कार गरेपछि ९ कक्षामा अध्ययनरत एक छात्राले विष पिएर आत्महत्याको प्रयास गरेकी छिन् । उनलाई गम्भीर हालतमा अस्पताल भर्ना गरिएको छ । शिक्षकले धम्की दिएका कारण ती किशोरीले २ दिनसम्म यो कुरा परिवारसँग लुकाएर राखेकी थिइन् । गत शनिबार उनले एउटा चिठीमा शिक्षकको सबै कर्तुत लेखेर आत्महत्या गर्नको लागि विष पिइन् । उनलाई गम्भीर हालतमा अस्पताल भर्ना गरिएको छ

भारतको उत्तर प्रदेश राज्यको ललितपुर जिल्लामा रहेको अम्बेडकर इन्टर कलेजमा ९ कक्षामा पढ्ने १३ वर्षकी ती छात्राका अनुसार ती शिक्षकले २० डिसेम्बरका दिन उनलाई बलात्कार गरेका हुन् । दिउँसो १२ बजे उनी शौचालय गएको बेला अंग्रेजी शिक्षक राजकुमार भनिने कल्लु महाराज त्यहीँ आएर उनलाई शौचालयमै जबरजस्ती बलात्कार गरेका थिए । उनले चिच्याउन खोज्दा ती शिक्षकले मुख बन्द गरेर मारिदिने धम्की दिएका थिए ।

ती किशोरीकी आमाका अनुसार उनी स्कुल ल विदा भएपछि घर पुगे पनि २ दिनसम्म परिवारलाई केही बताइनन् । २३ डिसेम्बरका दिन बिहान ५ बजे उनले आफूसँग भएको सबै घटना चिठीमा लेखेर उनले घरमा राखिएको कीटनाशक औषधी खाइन् । उनलाई तत्काल अस्पताल भर्ना गरियो । अहिले उनको उपचार भइरहेको छ । प्रहरीले आरोपी शिक्षकलाई पक्राउ गरी अनुसन्धान अघि बढाएको छ ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com