कांग्रेसभन्दा झण्डै ५ गुणा बढी ठाउँमा एमाले विजयी


प्रकाशित मिति : मंसिर २४, २०७४ आईतबार

निर्वाचन आयोगको विवरण अनुसार प्रतिनिधि सभाको पहिलो हुनेले जित्ने निर्वाचन प्रणालीमा नेकपा एमालेले नेपाली कांग्रेसभन्दा झण्डै पाँच गुणा बढी स्थानमा जित हात पारेको छ।

नेकपा एमालेले ४८ स्थानमा जितेको छ भने माओवादी केन्द्रले १९ स्थानमा विजय हासिल गरेको आयोगले जनाएको छ।

१० वटा सीटमा जित हासिल गर्दै नेपाली कांग्रेस तेस्रो स्थानमा रहेको छ।

संघीय समाजवादी फोरम नेपाल र राष्ट्रिय जनता पार्टी नेपालले समान तीन/तीन स्थानमा जित हासिल गरेका छन्।

अग्रता

अन्य दलले दुई स्थानमा जित हात पारेको आयोगले जनाएको छ।

मतगणना जारी रहेका स्थानमा नेकपा एमाले ३२ वटामा र माओवादी केन्द्र १६ स्थानमा अगाडि छन्।

नेपाली कांग्रेस १२ स्थानमा अगाडि छ।

आयोगका अनुसार राजपा नेपाल ८ स्थानमा अगाडि छ।

संघीय समाजवादी फोरम नेपाल ७ स्थानमा अगाडि देखिएको छ।

अन्य दल ३ स्थानमा अगाडि रहेको आयोगले उल्लेख गरेको छ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com