अमेरिकी राष्ट्रपति डोनल्ड ट्रम्पको घोषणा पछि जेरुसलममा हिंसा भड्कीयो
प्रकाशित मिति : मंसिर २२, २०७४ शुक्रबार
काठमाडौं, २२ मंसिर । अमेरिकी राष्ट्रपति डोनल्ड ट्रम्पले जेरुसलेमलाई इजरायललको राजधानीको मान्यता दिएपछि प्यालेस्टिनी इस्लामवादी आन्दोलनको अगुवाइ गरिरहेको हमासले नयाँ आन्दोलनको घोषणा गरेको छ ।
ट्रम्पको कदमपछि वेस्ट ब्याङ्क र गाजा स्ट्रिप दुवैपट्टी रहेका प्यालेस्टिनीहरु विरोध प्रदर्शनमा उत्रिएका छन् । हिजो भएको प्रदर्शनमा झडपमा परि ३१ जना घाइते भएका छन् भने केहिको अवस्था गम्भीर रहेको छ । अमेरिकाको दशकौं पुरानो नीतिलाई उल्ट्याउँदै राष्ट्रपति डोनल्ड ट्रम्पले विवादित जेरुसलेम शहरलाई इजरेलको राजधानीको रुपमा मान्यता दिएका हुन् । अरब देशहरुले ट्रम्पकोे कदमले मुसलमान विश्वमा हिंसालाई बढावा दिनसक्ने चेतावनी दिइसकेका छन् । जेरुसलेमलाई लिएर इजरेल र प्यालेस्टाइनबीच विवाद मात्रै छैन, दुबै देशले उक्त भूमिलाई आफ्नो राजधानी भएको समेत बताउने गरेका छन् । मुसलमान, इसाई र यहुदीहरुले समेत उक्त भूमिलाई पवित्र स्थलको रुपमा मान्ने गरेका छन् ।