पुटिन ‘टाइम पर्सन अफ दी इयर’को ‘सर्टलिस्ट’मा परेनन्
प्रकाशित मिति : मंसिर १९, २०७४ मंगलबार
१९ मंसिर, काठमाडौं । रुसी राष्ट्रपति भ्लादिमिर पुटिन ‘टाइम पर्सन अफ दी इयर’को ‘सर्टलिस्ट’मा परेनन् ।
टाइम पर्सन अफ दी इयरको घोषणा सन् २९२७ बाट सुरु भएको हो र गत वर्ष अमेरिकी राष्ट्रपति डोनाल्ड ट्रम्प पर्सन अफ दी इयर बनेका थिए ।
यो पटक ‘सर्टलिस्ट’मा परेका १० जनाको नाम सार्वजनिक भएको छ, जसमध्ये मध्ये एकलाई भोलि बुधबार टाइम पर्सन अफ दी इयर घोषणा गरिनेछ ।
‘सर्टलिस्ट’मा ट्रम्पसँगै चिनियाँ राष्ट्रपति सी जिनपिङ, उत्तर कोरियाका राष्ट्रपति किम जोङ उन, साउद अरबका युवराज मोहम्मद बिन सलमान, अमेजनका प्रमुख कार्यकारी जेफ बेजोस, वन्डर वुमन फिल्मकी निर्देशक प्याटी जेन्किन्स, एफबीआईका निर्देशनबाट बर्खास्त भएका जेम्स कोमे र अमेरिकी फुटबलर कोलिन केपरनिक छन् ।
यस्तैगरी द ड्रिमर र मि टू अभियान पनि सर्टलिस्टमा परेको छ ।
द ड्रिमर ओमबाको डिर्फड एक्सन फर चिल्ड्रेन अराइभल प्रोगाम’ अन्य गर्ने सम्भावनाका बीच आप्रवासी आमाबुबासँगै अमेरिका पुगेका हजारौै बालबालिकाको भविश्यलाई दिएर भएको विरोधमा भएको आन्दोलन हो ।
मि टू महिला हिंसाविरुद्धको अभियान हो । हलिउड निर्माता हार्भी वाइन्सटिनको यौन दुर्ब्यवहारको खुलासा भएको हजारौं महिला मि टू अभियानमा सहभागी भए ।
तर, लगातार ३ वर्ष ‘सर्टलिस्ट’मा परेका पुटिन यो पटक १० जनाको सूचीमा अटाएनन् । उनी सन् २००७ मा वर्ष व्यक्ति समेत घोषणा भएका थिए ।