बसको ठक्करबाट एक बालकको मृत्यु
प्रकाशित मिति : मंसिर १९, २०७४ मंगलबार
मंसिर १९ भद्रपुर स् झापामा बसको ठक्करबाट एक बालकको मृत्यु भएको छ। अर्जुनधारा नगरपालिका–३ का आइन्द्र लाम्गादेका ८ वर्षीय छोरा समीरको मृत्यु भएको जिल्ला ट्राफिक प्रहरी कार्यालय झापाले जनाएको छ। झापाको खुदुनाबारीबाट विर्तामोडतर्फ आउँदै गरेको मे १ ख २२४६ नम्बरको बसले पैदलयात्री बालकलाई ठक्कर दिएको प्रहरीले जनाएको छ। बसको ठक्करबाट गम्भीर घाइते भएको समीरको बिर्तामोडस्थित बीएण्डसी हस्पिटलमा उपचारको क्रममा मृत्यु भएको प्रहरीले जनाएको छ। ठक्कर दिने बस र चालकलाई प्रहरीले नियन्त्रणमा लिएको छ।