ट्रकमा कोचिएका ११ आप्रवासीहरु चकलेटले बाँचेको खुलासा
प्रकाशित मिति : मंसिर १९, २०७४ मंगलबार
युरोपबाट बेलायतमा ट्रकमा कोचेर ल्याउदै गरिएका ११ जना आप्रवासीहरु मँहगो बेल्जियन चकलेट खाएर बाँचेको खुलासा भएको छ । १५ बर्ष मुनिका ३ जना सहित १० इराकी र १ अफगानी नागरिकहरु ट्रकको डिब्बाभित्र कोचिएको अवस्थामा फेला परेका हुन् ।
क्याफे नजिकै रोकिएको ट्रकको डिब्बाबाट मानिसहरु चिच्याएको र खटखटाएको आवाज आएपछि त्यहाँ पुगेको थियो । ट्रकको डब्बा बन्द गरेर चाबीमा ग्लु चप्काइएकाले प्रहरीले फायर सर्भिसलाई बोलाएर डब्बा खोलेको थियो । बेलायतको वारमिनिस्टरमा रहेको क्याफेका मालिकले उनीहरुले मंहगो बेल्जियम चकलेट खाएर बाँचेको बताएका छन् ।
ट्रकमा कोचिएका आप्रवासीहरुलाई गैरकानुनी रुपमा बेलायत छिर्न खोजेको आशंकामा नियन्त्रणमा लिइएको छ । उनीहरुलाई बेलायतबाट डिपोर्ट गरिने अधिकारीहरुले जनाएका छन् ।