जनार्दन शर्माले पहिलो पटक आफैंलाई भोट हाले


प्रकाशित मिति : मंसिर १०, २०७४ आईतबार

रुकुम, १० मंसिर । पूर्वगृहमन्त्री एवम् माओवादी केन्द्रका नेता जनार्दन शर्माले आज पहिलो पटक भएको प्रदेश सभा र प्रतिनिधी सभाको निर्वाचनमा पहिलो पटक आफैंलाई मतदान गरेका छन् । रुकुम पश्चिमको सदरमुकाम मुसिकोट नगरपालिका,५ को यमुनानन्द नमूना मावि (क) मतदान केन्द्रबाट शर्माले मतदान गरेका हुन् ।

शर्मा २०६४ को पहिलो संविधानसभा र २०७० को दोस्रो संविधानसभा निर्वाचनमा रुकुम क्षेत्र नम्बर २ बाट निर्वाचित भएका थिए ।
त्यस बखत उनले मतदान गर्ने मतदान केन्द्र उनको निर्वाचन क्षेत्रमा नपर्ने भएकाले अर्कैलाई मतदान गरेका थिए। यस पटक भने शर्माको मतदान केन्द्र उनकै निर्वाचन क्षेत्रमा परेको छ । शर्माले मतदान गरेको केन्द्रमा १२५५ जना मतदाता रहेका छन् । शर्मा यो जिल्लाबाट प्रतिनिधिसभाका लागि उम्मेदवार हुन ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com