कांग्रेसले जनता झुक्याउने दिन गए : ओली
प्रकाशित मिति : कार्तिक ३०, २०७४ बिहीबार
काठमाण्डौं, ३० कार्तिक । नेकपा एमालेका अध्यक्ष केपी शर्मा ओली र माओबादी अध्यक्ष प्रचण्डले कम्युनिष्ट फुटाएर शासन गर्ने कांग्रेसका दिन सकिएको बताएकाछन् ।
बागलुङको गल्कोटमा आज बाम गठबन्धनले गरेको सभालाई सम्बाधेन गर्दै नेता द्धयले बिगत लामो समयदखि कांग्रेसले कम्युनिष्टलाई फुटाएर शासन गरिरहेको बताए ।
सभालाई सम्बोधन गर्दै एमाले अध्यक्ष ओलीले जनताको चेतनास्तर माथि उठिसकेकाले जनता झक्याउने काम नगर्न कांग्रेस नेताहरुलाई आग्रह गर्नुभयो । उहांले परिवर्तन र समृद्धिका लागि बाम गठबन्धनलाई बिजयी बनाउन आवश्यक रहेको भन्दै कांग्रेसको बुढोरुखले जनतालाई साहारा दिन नसक्ने बताउनुभयो ।
माओबादी केन्द्रका अध्यक्ष प्रचण्डले कांग्रेसले लगातार कम्युनिष्ट फुटाएर नेपालमा शासन गरिरहेको बताउंदै कम्युनिष्ट फुटाएर शासन गर्ने दिन समाप्त भएको बताउनुभयो । उहांले कांग्रेससंग प्रतिस्पर्धा गर्न पाएको भए केहि खुसी लाग्थ्यो भन्दै कांग्रेसले राप्रपालाई समर्थन गरेर भुल गरेको आरोप लगाउनुभयो ।
सभामा राष्ट्रिय जनमोर्चाका अध्यक्ष चित्रबहादुर केसी र माओबादी नेता देवेन्द्र पौडेलले पनि सम्बोधन गर्नुभएको थियो ।
नेता ओली र प्रचण्डले आजै स्याङ्जाको पुतलिबजार र वालिङ, पर्वतको कुश्मामा संबोधन गर्ने कार्यक्रम रहेको थियो ।
