नेपालका लागि शान्ति दूत ः कृष्णबहादुर महरा
प्रकाशित मिति : कार्तिक २७, २०७४ सोमबार
काठमाडौ कात्तिक २७ विना विभागीय मन्त्री तथा वामगठवन्धनको तर्फबाट दाङ निर्वाचन क्षेत्र नं.
२ बाट प्रतिनिधिसभा सदस्य पदका उम्मेदवार कृष्णबहादुर महराले आफू नेपालको शान्ति दूत भएको बताएका छन् ।
दाङको बालकल्याण आधारभूत विद्यालय खैरामा सञ्चालित ज्ञान महायज्ञमा पुगेका विना विभागीय मन्त्रीसमेत रहेका महराले नेपालको शान्ति प्रक्रियाको अगुवाइ आफूले गरेको हुँदा आफू नै नेपालको सच्चा शान्ति दूत भएको दाबी गरेका हुन्।
वि.सं.२०५८ देखि शुरु भएको् नेपाल शान्ति प्रक्रियाहुँदै २०६३ सालमा भएको शान्ति सम्झौतासम्म माओवादी केन्द्रको तर्फबाट नेतृत्व गर्ने अवसर पाएका– पूर्व उपप्रधानमन्त्री समेत रहेका महराले ‘त्यसयता पनि निरन्तर सरकारमा सहभागितालगायतका माध्यमबाट नेपालको विकास र शान्ति प्रक्रियामा आफूले महत्वपूर्ण भूमिका खेल्दै आएको बताए ।’
फरक प्रसंगामा महराले आफूले सबै धर्मको उत्तिकै सम्मान गर्ने व्यक्ति भएको बताए ।‘म कम्युनिष्ट हुँ र म भौतिकवादलाई विश्वास गर्छु’– उनले अगाडि भने – ‘तर म मन्दिर, मस्जिद, चर्च जहाँ पनि पुगेर सम्बन्धित धर्मप्रति आस्था गर्नेहरुलाई सम्मान गर्छु । किनकि म सबै धर्मलाई उत्तिकै सम्मान गर्छु ।’
यसैबीच उनले विद्यालयमा जारी महायज्ञमा एक लाख दान गरेका थिए । उनले अब आफू विकास निर्माणमा लाग्ने प्रतिबद्धतासमेत व्यक्त गरे ।