तरकारीको मूल्यवृद्धि नियन्त्रण गर्न प्रधानमन्त्री कार्यालयको निर्देशन
प्रकाशित मिति : कार्तिक २६, २०७४ आईतबार
२६ कात्तिक, काठमाडौं । चुनाव नजिकिँदै गर्दा भएको तरकारीको मूल्यवृद्धि नियन्त्रण गर्न प्रधानमन्त्री कार्यालयले निर्देशन दिएको छ । आइतवार सरोकारवाला निकायहरूलाई बोलाएर प्रधानमन्त्री कार्यालयले मूल्यवृद्धि रोक्न निर्देशन दिएको हो ।
कार्यालयले मूल्यवृद्धि नियन्त्रण गर्न बजार अनुगमनलाई चुस्त बनाउन पनि सम्बन्धित सरकारी निकायहरूलाई निर्देशन दिएको छ । पछिल्लो समय तरकारीको मूल्य अत्यधिक बढेपछि यसको चौतर्फी आलोचना हुँदै आएको छ ।
कार्यालयले संयुक्त बजार निर्देशिका अनुसार बजार अनुगमनलाई चुस्त बनाउन आपूर्ति व्यवस्थापन विभाग, बाली विकास निर्देशनालय र कालिमाटी तरकारी तथा फलफूल बजार व्यवस्थापन समितिलाई निर्देशन दिएको छ ।