गोकर्ण विष्ट ९९ वर्षीय जेष्ठ नागरिकको आशिर्वाद लिएर प्रचारमा
प्रकाशित मिति : कार्तिक २६, २०७४ आईतबार
२६ कात्तिक, गुल्मी । गुल्मी क्षेत्र नम्वर २ का प्रतिनिधिसभा सदस्यका उमेदवार तथा एमाले नेता गोकर्ण विष्टले ९९ वर्षीय जेष्ठ नागरिकको आर्शिवाद लिएर चुनावी प्रचारमा लागेका छन् ।
केही दिन अघि अर्खलेको एक विद्यालय बाहिर सडकबाट हिँड्दै गरेका विष्ट आए भन्ने थाह पाउन साथ कक्षा कोठाबाट सबै विद्यार्थी बाहिर निस्के । कक्षा शिक्षकहरुले ढोकामा छेकेर पनि नियन्त्रण गर्न सकेका थिएनन् ।
आइतवार पनि हाडहाडेमा त्यस्तै भयो । त्यहाँका युवाहरुले उनको स्वागत गरे । चुनावी सभामा फूलमाला भिराई दिने महिलाहरुलाई लाइनबद्ध गराउन हम्मेहम्मे पर्यो । मालाले टाउ ँको नै छोपिने भए पछि सहयोगी मार्फत ग्रहण मात्रै गरे विष्टले । उता जेष्ठ नागरिकहरुको भिड पनि त्यति कै थियो ।
त्यो भिड मध्ये हाडहाडेका ९९ वर्षीय जेष्ठ नागरिक खिमबहादुर बिकले मान्दै मानेन् । उनी गोकर्ण विष्टलाई नजिक आएर स्पष्र्श गर्न र आशिर्वाद दिन चाहेको सहयोगी मार्फत खबर पठाए ।
उनलाई बोलाइयो । बिकले नेता विष्टलाई गरीब दलित र जेष्ठ नागरिकका देउता हुनुहुन्छ तपाई भनेरर गालामा ‘म्वाई’ खाइदिए । कानमा पुष्पगुच्छा पहिराउ ँदै भने-‘ जित तपाईको भइसक्यो मेरो आशिर्वाद छ, यसरीनै हाम्रो मन जित्न सफल रहुनुहोला ।’