राष्ट्रपति ट्रम्प भियतनाममा
प्रकाशित मिति : कार्तिक २४, २०७४ शुक्रबार
भियतनाममा एपेक सम्मेलन सुरु, विश्वका नेताहरुले सम्बोधन गर्ने
डनाङ, भियतनाम, २४ कात्तिक ९रासस÷एएफपी० ः आमेरिकी राष्ट्रपति डोनाल्ड ट्रम्प शुक्रबार भियतनामा पुग्नुभएको छ ।
भियतनामको डनाङ्मा रहेको अन्तर्राष्ट्रिय विमानस्थलमा अमेरिकी एयर फोर्स् बिमान अवतरण गरेको थियो । उहाँलाई सो विमानस्थलमा विशेष स्वागत गरिएको थियो ।
भियतनाममा आयोजना भएको एसिया प्यासिफिक इकोनोमिक कोअपरेशन, ९एपिइसी० को सम्मेलनमा सहभागिताका लागि उहाँ यहाँ आउनुभएको हो ।
उहाँले सो सम्मेलनलाई सम्बोधन गर्नुहुने कार्यक्रम रहेको छ । यसअघि उहाँ एसिया भ्रमणका क्रममा चीनमा हुनुहुन्थ्यो ।
उहाँ शुक्रबारै चीनबाट भियतनाम पुग्नुभएको हो । उहाँले चीनमा छँदा राष्ट्रपति चिनफिङसँग भेटवार्ता गर्नुभएको थियो । उहाँ दुवै जना शुक्रबारै भियतनाम पुग्नुभएको हो ।
सो सम्मेलनमा विश्वका नेताहरुले पनि सम्बोधन गर्नुहुने छ । चिनियाँ राष्ट्रपति सि चिनफिङ, रुसी राष्ट्रपति भ्लादिमिर पुटिनलगायतले पनि सो सम्मेलनमा सम्बोधन गर्नुहुने कार्यक्रम रहेको प्राप्त समाचारमा जनाइएको छ ।
रुसी राष्ट्रपतिलाई भेट्ने कार्यक्रम छैन– ह्वाइट हाउस
यसैबीच अमेरिकी राष्ट्रपतिको कार्यालय ह्वाइट हाउसले एपेक सम्मेलनका क्रममा भियतनाम पुग्नुभएका राष्ट्रपति ट्रम्पले रुसी राष्ट्रपति भ्लादिमिर पुटिनलाई भेट्ने कार्यक्रम नरहेको स्पष्ट गरेको छ ।
शुक्रबार प्रकाशन गरेको विज्ञप्तिमा ह्वाइट हाउसले भनेको छ– अमेरिकी राष्ट्रपतिको कार्यतालिकामा रुसी राष्ट्रपतिलाई भेट्ने कुनै कार्यक्रम छैन, त्यसैले उहाँहरुबीच भेट हुदैन ।
अमेरिकी राष्ट्रपति ट्रम्प भियतनाममा अवतरण गर्नुभन्दा केही मिनेनमात्र अघि ह्वाइट हाउसले सो जानकारी दिएको हो ।
एपेकको सम्मेलनमा सहभागी हुन रुसी राष्ट्रपति पुटिन पनि भियतनाम पुग्नुभएको छ । उहाँहरुबीच सो सम्मेलनमा भेटवार्ता हुने कार्यक्रम भनी समाचार आएको थियो ।
सो समाचारको खण्डनगर्दै ह्वाइट हाउसले उक्त भेटघाटको कार्यक्रम नरहेको स्पष्ट गरेको प्राप्त समाचारमा जनाइएको छ ।