अमेरिकामा ट्रक चालकहरूमाथि गैरकानुनी आप्रवासन र भाषा दक्षता कडाइ, दर्जनौँ नियन्त्रणमा
प्रकाशित मिति : २० श्रावण २०८३, बुधबार
Photo: Karl Callwood/ Unsplash
ट्रम्प प्रशासनले मङ्गलबार ट्रक यातायात क्षेत्रमा गैरकानुनी आप्रवासन र सुरक्षा उल्लंघन विरुद्ध गरिएको व्यापक कारबाहीको नतिजा सार्वजनिक गरेको छ।
अमेरिकी यातायात विभागले यस वर्षको सुरुमा फ्लोरिडाबाट ‘अपरेसन हाइवे शिल्ड’ नामक यो अभियान सुरु गरेको थियो।विभागले यो अभियानलाई मध्य-पश्चिमका इलिनोय, इन्डियाना, आयोवा र ओहायो लगायतका धेरै राज्यहरूमा विस्तार गरिसकेको छ।
यस अभियानका क्रममा अधिकारीहरूले कुल ३,४८७ पटक व्यावसायिक सवारी साधन रोकेर जाँच गरेका थिए। सो क्रममा ७६६ वटा असुरक्षित व्यापारिक सवारी साधन वा चालकहरूलाई सञ्चालनमा रोक लगाइएको छ। त्यसैगरी, ५१ जनालाई आप्रवासन नियन्त्रणमा लिइएको छ, ४७ वटा आपराधिक मुद्दा दर्ता गरिएका छन्, ३९ जनालाई जेल पठाइएको छ, ३६ वटा अंग्रेजी भाषा दक्षता सम्बन्धी उल्लंघन दर्ता गरिएका छन् र करिब १० लाख डलर बराबरको चोरी भएका सामानका ३ वटा मालवाहकहरू बरामद गरिएका छन्।
ट्रम्प प्रशासनले संघीयरूपमा आप्रवासन र व्यापारिक सवारी साधन सम्बन्धी नियमहरूको पालना गराउनु आफूहरूको मुख्य प्राथमिकता रहेको दाबी गरेको छ।
फ्लोरिडाका राज्य प्रहरी अधिकारीहरूका अनुसार केही तौल केन्द्रहरूमा जाँच गरिएका आधासम्म ट्रक चालकहरूले अंग्रेजी भाषाको न्यूनतम आवश्यकता पूरा गर्न सकेका थिएनन्।म उनीहरूले पढ्नुपर्ने सडक चिन्हहरूमा ध्यान केन्द्रित गर्ने प्रयास गर्छु, मास्टर ट्रुपर क्रेग लेन्टन्सले भने, यदि तपाईं प्रति घण्टा ७० माइलको गतिमा जाँदै हुनुहुन्छ र सडकको चिन्ह देख्नुहुन्छ भने, तपाईंले त्यसलाई सेकेन्डको एक भागमा मात्र देख्न सक्नुहुन्छ।
भिडियोमा कैद भएको अर्को घटनामा, एक प्रहरीले ट्रक चालकलाई सडक चिन्हको अर्थ सोधेका थिए।चालकले जवाफ दिए, “होइन।त्यसपछि प्रहरीले यदि चालकहरूले त्यो चिन्ह देखे भने के गर्नुपर्छ भनेर पुनः सोधे, जसमा चालकले फेरि पनि होइन भनेर जवाफ दिएका थिए।
ट्रम्प प्रशासनले अंग्रेजी भाषाको संघीय आवश्यकता वर्षौंदेखि नियममा रहेको उल्लेख गरेको छ।
फेडरल मोटर क्यारियर सेफ्टीका प्रशासक डेरेक बार्सले भने, “यो लामो समयदेखि लागू भएको कानुन हो। यो पूर्ण रूपमा सुरक्षाको विषय हो। यदि कुनै दुर्घटना वा त्यस्तै केही आपत्कालीन अवस्था आयो भने, म निश्चित गर्न चाहन्छु कि चालकलाई कसरी प्रतिक्रिया दिने-जस्तै अगाडि ट्राफिक वा दुर्घटना भएको छ भने गाडी ढिलो चलाउने भन्ने कुराको जानकारी होस्।
अधिकारीहरूका अनुसार अंग्रेजी बोल्न वा पढ्न नसक्नु अत्यधिक खतरनाक हुन्छ, किनभने ट्रक चालकहरूले सयौँ टन तौल बोकेर उच्च गतिमा गाडी चलाउँदा महत्त्वपूर्ण सडक चिन्हहरू तुरुन्तै बुझ्नुपर्ने हुन्छ।
देशभरि भएका कयौँ घातक सडक दुर्घटनाहरूपछि यो अभियान तीव्र पारिएको हो। डिपार्टमेन्ट अफ होमल्यान्ड सेक्युरिटीका अनुसार ती दुर्घटनाहरूमा संलग्न कतिपय चालकहरू अमेरिकामा गैरकानुनी रूपमा बसोबास गरिरहेका वा उनीहरूसँग व्यावसायिक चालक अनुमतिपत्र नभएको अवस्थामा पनि गाडी चलाइरहेका थिए।