ह्वात्तै घट्यो नेपालीले पाएको अमेरिकी भिसादर

किशोर पन्थी

---

प्रकाशित मिति : कार्तिक १६, २०७४ बिहीबार

नेपालीहरुले पाएको अमेरिकी भिसाको दर ह्वात्तै घटेको छ । अगस्त महिनाको तुलनामा सेप्टेम्बरमा नेपालीहरुले अमेरिकाको गैरआप्रवासी भिसा निकै कम संख्यामा प्राप्त गरेका छन् ।

अगस्त महिनामा २२९८ जना नेपालीहरुले विभिन्न प्रकारका गैरआप्रवासी भिसा प्राप्त गरेका थिए । उनीहरु विश्वभरबाट अमेरिकाको भिसा प्राप्त गर्ने नेपालीहरु थिए तर सेप्टेम्बर महिनामा भने १५३३ जना नेपालीहरुलेमात्र अमेरिकाको गैरआप्रवासी भिसा प्राप्त गरेको अमेरिकी सरकारको तथ्यांकले देखाएको छ ।

अगस्तमा १८४३ जना नेपालीहरुले अमेरिकाको भिजिटर र बिजनेश अर्थात् बी क्याटेगोरीको भिसा प्राप्त गरेका थिए तर सेप्टेम्बरमा यो दर ह्वात्तै घटेको छ । सेप्टेम्बरमा ११३८ जना नेपालीहरुलेमात्र अमेरिकाको भिजिटर र बिजनेश भिसा प्राप्त गरेका छन् ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

सेप्टेम्बरमा अमेरिकाको विद्यार्थी भिसा पाउने नेपालीहरुको संख्या पनि घटेको छ । अगस्तमा २२८ जना नेपालीहरुले अमेरिकाको विद्यार्थी भिसा पाएकोमा सेप्टेम्बरमा जम्मा १३ जना नेपालीहरुलेमात्र अमेरिकाको विद्यार्थी भिसा पाएका छन् । सेप्टेम्बरमा ४ जना नेपालीले पत्रकारिता भिसा प्राप्त गरेका छन् भने अगस्तमा एकजनाले पनि पाएका थिएनन् ।

अगस्तमा कामदार अर्थात् एच वान बी भिसा भने १३ जना नेपालीहरुले प्राप्त गरेका थिए जबकी सेप्टेम्बरमा यो भिसा पाउने नेपालीहरु १९ जना रहेका थिए । सेप्टेम्बरमा कलाकारले पाउने पी थ्री भिसा भने १ जना मात्र नेपाली कलाकारले पाएका थिए । अगस्तमा भने यो भिसा ३ जनाले पाएका थिए । अगस्तमा पी भिसामा थप ५ जना नेपाली खेलाडीहरु अमेरिकामा आएका थिए ।