एनआरएनए अध्यक्षमा भवन भट्ट र टीबी कार्कीको उम्मेदवारी
प्रकाशित मिति : आश्विन ३०, २०७४ सोमबार
आज हुने एनआरएनएको चुनावमा अध्यक्ष पदका लागि भवन भट्ट र टीबी कार्कीको उम्मेदवारी दर्ता भएको छ । हिजो दिउसोदेखि उम्मेदवारी दर्ताको क्रम सुरु भएपनि आज विहानसम्म दुईजनाकोमात्र उम्मेदवारी दर्ता भएको छ । अध्यक्षमा उम्मेदवारी घोषणा गर्नुभएका जमुना घलेले भने आज विहानसम्म उम्मेदवारी दर्ता गराउनुभएको छैन ।
उम्मेदवारी दर्ताको समय साढे १० बजेसम्म थपिएकाले त्यतीबेलासम्म केही थप उम्मेदवारहरुले उम्मेदवारी दर्ता गराउने अपेक्षा गरिएको छ । विहान साढे ११ बजे उम्मेदवारको नामावली प्रकाशन हुनेछ भने साढे १२ बजेसम्म उम्मेदवारको नाममा दावी विरोध गर्न पाइनेछ ।
त्यस्तै साढे १ बजेसम्म उम्मेदवारी फिर्ता लिन सकिनेछ भने २ बजे उम्मेदवारको अन्तिम नामावली प्रकाशन हुनेछ । ३ बजेदेखि ८ बजेसम्म चुनाव हुने र चुनाव सकिएको १ घण्टापछि मतगणना हुने जनाइएको छ । राती १० बजेसम्म मतपरिणाम सार्वजनिक भइसक्ने अपेक्षा गरिएको छ ।