मुटुरोगी दलमर्दनलाई अन्तराष्ट्रिय नेपाली समाजकाे सहयोग


प्रकाशित मिति : भाद्र २६, २०७३ आईतबार

मुटुरोग पीडित दलमर्दन कामीलाई नयाँ शक्तिले आर्थिक सहयोग गरेको छ । आइतबार नयाँ शक्ति पार्टीको केन्द्रीय कार्यालय बबरमहलमा पीडितलाई संयोजक डा. बाबुराम भट्टराईले रु १ लाख १८ हजार ८१० नगद सहयोग हस्तान्तरण गर्नुभएको हो ।
हस्तारन्तरण गरिएको सहयोग रकम नयाँ शक्तिको प्रवास प्रादेशिक समिति अन्तर्गत कतार, बेलायत, इजरायल र जापानबाट प्राप्त भएको प्रवाश समितिका संयोजक नवराज सुवेदीले बताउनुभयो ।
उहाँले यसअघि पनि पीडित दलमर्दन कामीलाई रु. ७१ हजार सहयोग गरिएको बताउनुभयो । १५ वर्षदेखि निरन्तर राजनीतिमा लागेका कामी हाल नयाँ शक्ति पार्टी नेपालको आमन्त्रित कार्यसमिति सदस्य हुनुहुन्छ । सुनसरी निवासी ४३ वर्षीय कामी हाल काठमाडौंस्थित गंगालाल हृदयरोग केन्द्रमा उपचाररत हुनुहुन्छ ।
उहाँले मुटुमा तीन सेन्टिमिटरको प्वाल परेको बताउनुभयो । सल्यक्रियाका लागि आर्थिक स्रोत संकलन गर्न नयाँ शक्ति पार्टीकी नेतृ कमला हिमचुरी, देव लिम्बु र पत्रकार नवराज बस्नेतको अगुवाइमा दलमर्दन कामी बचाउ अभियान क्रियाशील रहेको उहाँले जानकारी दिनुभयो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com